1274. October 28. Magdeburg. Erzbischof Konrad II bewidmet das Kloster Adersleben mit einer zum Schloss Wegeleben gehörigen und mit diesem vom Grafen Otto I von Anhalt erkauften Hufe Landes zu Adersleben.
In nomine Domini amen. Conradus Dei gratia sancte Magdeburgensis ecclesie archiepiscopus universis presentibus et futuris salutem in omnium salvatore. Cisterciensis ordinis plantatio generosa, que multe religionis flores profert et fructus, effuso longe lateque laudabili conversationis odore nos provocat et inducit, ut salutifera ipsius commoda favore benevolo prosequentes tranquillitatem eius et usum, quantum cum Deo possumus, procuremus. Eapropter recognoscimus et tenore presentium protestamur, quod mansum unum situm in Adesleve inclusum proprietati bonorum pertinenti ad castrum et ad oppidum Wegeleve per nos ab illustri comite Ottone de Anhalt comparate matri nostre Magdeburgensi ecclesie1, quem quidem mansum tenuit in pheodo Hinricus miles de Ditforde a dicto comite Ottone et ipse comes a nobis, utroque illorum resignante pheodum illius mansi in nostris manibus et renuntiante omni iuri, quod eis competebat in illo, nos ob favorem religionis et ad instantiam dicti Henrici militis de Ditforde ipsum mansum in Adesleve memoratum tradimus ac donamus in ius perpetuum monasterio sanctimonialium Cisterciensis ordinis in Adesleve, Halberstadensis diocesis, pietatis intuitu propter Deum, omne ius, quod in illo manso nostre Magdeburgensi competebat ecclesie, transferentes ad collegium memoratum. Ne igitur aliquid in posterum interveniat, quod hanc donationem nostram infringat, presentem litteram conscribi fecimus et sigilli nostri patrocinio fecimus communiri.
Datum Magdeburg, anno Domini mo.cco.lxxivo, vto Kalend. Novembris, pontificatus nostri anno octavo.
1274. November 16. Bischof Volrad von Halberstadt über einen zwischen Albert, dem Custos der Kirche zu S. Paul in Halberstadt, und den Einwohnern von Hondorf in Bezug auf den dortigen Zehnten geschlossenen Vergleich.
Volradus Dei gratia Halberstadensis episcopus omnibus in perpetuum. Ut ea, quibus autoritatem impertimur, gaudeant perpetui roboris firmitate, opere pretium est scriptis autenticis commendari. Notum igitur esse volumus, quod, cum super ordinacione solucionis decime in Hondorp inter magistrum Albertum custodem ecclesie sancti Pauli in civitate, qui eandem decimam ad sustentationem pauperum scolarium choro dicte ecclesie deservientium de propria pecunia comparavit, et cives dicte ville questo verteretur, ut omnis dissensionis materia conquiesceret, partes hinc inde in dilectum nobis fratrem Heinricum, priorem fratrum ordinis predicatorum in Halberstat, compromiserunt
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 318. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_318.jpg&oldid=- (Version vom 31.7.2018)
