Seite:DE CDA 2 288.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Otto von Heinemann (Hrsg.): Codex diplomaticus Anhaltinus. Band 2.

et habitam, ut supra scriptum est, per nostram ratihabitionem, cum dominus Gerhardus iudicium habeat a nobis in feodo, pro securitate partium confirmamus et hanc ratihabitionem nostri appensione sigilli publice protestamur. Nos quoque Conradus Dei gratia comes de Brenen conpositionem inter dominum prepositum et conventum Montis Sereni factam cum domino Gerhardo de Wederde, ut supra scriptum est, nostri sigilli munimine roboramus.

Actum in ecclesia Oztrowe, anno Domini m^o.cc^o.lxxj^o.

Aus dem Cop. Magdeb. miscell. (no. XXXI) im Staatsarchive zu Magdeburg. - 1. Mspt: sc.

399.

1272. Januar 10. Halberstadt. Das Halberstädter Domcapitel über den Erwerb des zur Hälfte an den Ritter Friedrich von Gernrode verliehen gewesenen Zehnten zu Kroppenstedt.

Hermannus¹ Dei gracia maior prepositus, Wicgerus decanus totumque Halberstadensis ecclesie capitulum omnibus in perpetuum. Ut ea, que per nos ecclesie nostre utilitati fuerint acquisita, semper eidem firma maneant et consistant et ab ea nulla varietate temporis sequestrentur, expedit ipsa testibus et scripture testimonio perhennari. Proinde notum esse volumus Christi fidelibus universis presentibus et futuris, quod, cum decimam in maiori Croppenstide, cuius medietas per nobiles viros, videlicet Borchardum et Waltherum de Barboye fratres, venerabili domino nostro Volrado episcopo exstitit resignata et per eundem dominum episcopum ecclesie Halberstadensi liberaliter donata et alia medietas domino Friderico militi de Gerenrode inpheodata, emeremus ad ecclesie nostre profectum nostrumque ac successorum nostrorum incrementum, cives predicte ville Croppenstide, circa nos et nostram ecclesiam moti pietate pariter et affectu, ad decime huiusmodi emptionem quadraginta marcas usualis argenti de bonis suis nobis voluntarie addiderunt. Quibus nos versa vice favorem talem rependimus, quod predictam decimam nec obligabimus nec inpheodabimus nec a nostra ullo modo alienabimus ecclesia, set aput ipsam inseparabiliter futuris temporibus permanebit. Huius rei testes sunt: dominus Ludolfus episcopus quondam Halberstadensis, Volradus de Kircberg, Henricus de Drondorp, Albertus de Aldenburg, Bertoldus de Clettenberg, Christianus scolasticus, Hermannus Hodo, Ludegerus Struz, Guntherus archidiaconus in Dardessem, Ludolfus de Dalem, Heidenricus de Schartfelt, Thidericus de Hessenem, Henricus de Koldiz, Conradus de Swanebeke, Gevehardus cellerarius, Hermannus de Blankenburg, Hermannus de Kircberg, Ericus prepositus ecclesie sancti Bonifacii, Thidericus de Heligendorp et Heidenricus de Querenvorde, Halberstadensis ecclesie canonici. Et ne unquam alicui hominum super hiis dubium valeat suboriri, presentem paginam conscribi fecimus et sigillo nostre ecclesie fideliter communiri, eam supradictis civibus in Croppenstide in testimonium perpetuum erogando. Datum Halberstat, anno gracie millesimo cc^olxx^oij, iiij^o Idus Januarii.

Aus dem mit dem angehängten Halberstädter grossen Stiftssiegel versehenen Original gedr: N. Mittheill. des thür.-sächs. Vereins II. 307-308. - 1. Im Orig. war die erste Silbe des Namens erloschen.

Empfohlene Zitierweise:
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 288. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_288.jpg&oldid=- (Version vom 31.7.2018)