1271. Mai 11. Graf Bernhard I von Anhalt überträgt dem Kloster Oldisleben gegen einen jährlichen Getreide- und Viehzins die Mühle Gänsefurt bei Oldisleben.
Bernardus Dei gratia comes de Anhalt scripti presentis inspectoribus salutem in auctore salutis. Que nubes oblivionis prolixitate temporis circumvolvit, scripturarum commendacio diligens resolvit luce noticie gracioris. Eapropter presenti scripto declaramus, quod nos molendinum dictum Genssvort aput Oldisleibin cum salictis, agris et pratis aliisque quibuscumque attinenciis, quorum usufructum Cristianus quondam molendinarius noster ibidem habebat, contulimus venerabili domino Cristiano abbati in monasterio Oldisleibin pro annua pensione sex maldrorum hiemalis annone et quatuor porcorum duas marcas valencium perpetuo possidenda, hoc adiecto, ut nulli hominum dictum locum maioris pensionis vel amicicie gracia in preiudicium dicti monasterii nos vel nostri heredes aliquo unquam tempore concedamus, quod, si prefato loco aliquod ullo tempore constructum fuerit molendinum, sepedictum monasterium a solucione predicte pensionis penitus sit solutum. Ut autem talis contractus inviolabilis perseveret, presentem paginam super eo conceptam sigilli nostri munimine duximus roborandam. Testes huius contractus sunt: magister Heinricus plebanus in Oldisleibin; comes Fredericus1 de Clettenbergk, dominus Henningus de Ozstrowe, dominus Theodericus de Alndorff, dominus Waltherus de Vrankenhusen milites, et alii quam plures. Acta sunt hec anno Domini moccolxxj, v Idus Maii.
1271. Mai 27. Grunenhain. Bischof Anselm von Ermeland gewährt den Wohlthätern des Klosters Mehringen einen vierzigtägigen Ablass.
Anselmus1 Dei gratia Warmiensis episcopus, fratrum ordinis domus Theutonie, universis Christi fidelibus presens scriptum visuris salutem in auctore salutis. Quoniam, ut ait apostolus2, omnes stabimus ante tribunal Christi recepturi, prout in corpore gessimus, sive bonum fuerit sive malum, oportet nos diem messionis extreme misericordie operibus prevenire et seminare in terris, quod cum multiplicato fructu colligere valeamus in celis. Cum igitur ex seminibus terrarum celestia metere possimus, universitatem vestram rogamus et in remissionem peccatorum vestrorum vobis iniungimus, ut ad locum sanctimonialium in Meringe, Cysterciensis ordinis, dyocesis Halberstadensis, pias vestras elemosinas erogetis. Nos vero de omnipotentis Dei gratia et nostra auctoritate confisi omnibus Christi fidelibus, qui eidem monasterio suas elemosinas erogaverint, quadraginta dies iniuncte penitentie, si vere contriti fuerint et confessi, misericorditer
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 281. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_281.jpg&oldid=- (Version vom 31.7.2018)
