virorum …1 sic dividetur inter ipsos, quod medietas cedet predicto Johanni
Calve et alia medietas cedet aliis predictis duobus, videlicet Conrado de Welpen et
Johanni genero ipsius. Damus insuper predicte indaginis civibus hanc libertatem, ut,
quisquam illuc mansurus venerit, libere possit et tempore libertatis et post tempora
libertatis cerevisiam venalem braxare, pistare panem, carnes mactare ad vendendum
ita, ut nulli inde aliquid solvere teneantur. Damus nichilominus eisdem civibus libertatem a festo Martini proxime venturo in antea ad decem annos ita, ut exempti sint a
quibuslibet serviciis et a solutione omnium decimarum. Insuper contulimus Rudolfo
molendinario molendinum eiusdem indaginis annis singulis pro iiijor choris siliginis, et
dabit a festo Martini predicto ad tres annos unum chorum siliginis et in sequenti anno
duos choros et in tercio tres et in quarto anno quatuor choros, et in censu horum
quatuor chororum nobis cedet medietas et medietas Johanni Calve. Predicto etiam molendinario ad molendinum dictum adiecimus tria iugera, que dicuntur hegersche morgen.
Preterea dedimus predicte indaginis civibus hanc prerogativam, ut habeant iura in omnibus et ad omnia indaginis Stephani2: si contigerit3 ipsos iura sua alibi querere, debent
ea querere in predicta indagine Stephani vel in alio loco, ubi eiusdem indaginis iura
poterunt propius vel commodius invenire. -- Insuper contulimns predicto Conrado
et genero eius duos liberos mansos. Hec autem omnia, que predicte indaginis civibus
contulimus, contulimus ipsis iure pheodali ita, ut eodem iure devolvantur ad uxores et
pueros eorum et ad alios ipsorum consanguineos et cognatos. ---
Datum et actum Stettin, anno Domini mo.cco.lxijo, in die Johannis baptiste.
1262. Juli 13. Steckby. Richard von Zerbst verkauft den Bürgern von Zerbst seinen dortigen Zoll.
Universis Christi fidelibus, ad quos presens scriptum pervenerit, Richardus de Tserwist paratum sue possibilitatis in omnibus servitium. Quecunque fiunt in tempore, diuturnitate temporis evanescunt, nisi testium lingua seu scripture memoria perhennentur. Noverint igitur tam presentes quam futuri, quod ego Richardus de Tserwist vendidi consensu meorum dominorum1 ac consilio tam amicorum quam meorum hominum theoloneum in Tserwist burgensibus civitatis eiusdem, quod ad minutissimum quadrantem mihi ac meis hominibus persolverunt. Ne igitur aliquis heredum sive meorum successorum hec facta violare seu immutare presumat, eadem decrevi mei sigilli munimine roborari. Huius autem rei testes sunt: dominus Petrus, dominus Johannes de Winnigstede, dominus Rinno, dominus Theodericus de Luderesdorp, dominus Gero, dominus Johannes filius domini Petri, dominus Arnoldus Gruban, dominus Erneco Bernir, ac alii quam plures digni fide.
Datum Stekebi, anno incarnationis Domini mo.cco.lxijo, iijo Idus Julii.
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 202. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_202.jpg&oldid=- (Version vom 31.7.2018)
