portenarius, Cono de Diepholt, Volradus de Kercberg, Everwinus prepositus sancti
Bonifacii, Henricus de Regensten, Widekindus de Nuwenburg, Henricus de Drondorp,
Hermannus scolasticus, Albertus de Aldenburg, Bertoldus de Clettenberg, ceterique
nostre maioris ecclesie canonici.
Acta sunt hec anno Domini mo.cco.lviijo.
Et ut prefata nostra donatio conventui supradicto, de Valle beati Petri videlicet, rata, inconvulsa et irrefragabilis permaneat et consistat, eidem presentem litteram nostro et capituli nostri sigillorum appensionibus communitam in robur validum et testimonium sufficiens duximus erogandam.
Datum Halberstad, viijo Idus Octobris, pontificatus nostri anno tercio.
1257. October 9. Der Abt Hermann von Sichem (Sittichenbach) verleihet allen denen, welche zum Bau der Domkirche in Halberstadt beitragen, die Fraternität seines Klosters und der in einem Suffraganverhältniss zu letzterem stehenden Klöster, darunter auch des Klosters Petersthal (Meringen).
Universis Christi fidelibus, ad quos presens scriptum pervenerit, frater Hermannus1 dictus abbas de Sychem devotas oraciones in Christo. Noverit omnium dilectio, quod nos venerabilium ac dilectorum nobis in Christo domini episcopi et capituli maioris ecclesie Halberstadensis devota supplicatione necnon speciali, quam ad ipsos habemus, dilectione provocati conventus nostri accedente consensu fraternitatem plenariam et participem omnium eorum, que in domo nostra et cenobiis nobis suffragantibus sincera in Domino karitate, scilicet Lenin, Bǒch, Gronenhagen, Paradisus, Stagnum sancte Marie et monialium Vallis sancti Petri, die noctuque Domino Deo devocius exhibentur, conferimus omnibus, qui suas elemosinas ad structuram ecclesie memorate ob Dei reverentiam et gloriose genitricis ipsius necnon beati prothomartiris Stephani interventum contulerint favorabiliter et benigne, presentem paginam super hac collatione sigilli nostri appensione in nomine Domini confirmantes. Datum anno dominice incarnationis mo.cco.lvijo, vijo Idus Octobris.
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 175. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_175.jpg&oldid=- (Version vom 31.7.2018)