1255. Juni 18. Magdeburg. Propst und Convent des Klosters Roda überweisen dem Kloster Nienburg durch den Magdeburger Erzbischof 2½ Hufen Landes an der Fuhne.
Albertus prepositus, prior … totusque conventus in Rode omnibus presens scriptum inspecturis salutem in perpetuum. Recognoscimus et tenore presentium protestamur, quod nos domino archiepiscopo Magdeburgensi viginti unum mansum et dimidium sitos prope Vonam proprietatis nostri monasterii cum omnibus suis attinentiis, videlicet areis et pratis, dedimus ita, ut eos reciperet nomine abbatis et conventus monasterii in Nyenborch et eos abbati et conventui in Nyenborch, prout nos facere tenebamur, vice nostra daret, renunciantes ab hac die in antea omni iuri, quod nobis in dictis mansis cum suis attinentiis memoratis superius competebat. Et ne hec nostra donatio cuiquam veniat in dubium futuris temporibus, presens scriptum super ea1 sigilli nostri munimine roboramus. Testes huius sunt: Burchardus burgravius Magdeburgensis, Conradus de Kotene, Albertus de Wyspiz, Hermannus de Wederde, Gerhardus de Repechowe, Henricus de Nendorp advocatus, milites; Conradus notarius burgravii, et alii quam plures.
Actum Magdeburg, anno Domini m.cc.lv, xiiij Kal. Julii.
1255. Juli 9. Der Burggraf Burchard der Aeltere von Magdeburg giebt seine Zustimmung zu dem Verkaufe von Gütern in Collendorf, Heinrichsdorf und Rodeniz seitens des Klosters Roda an die Abtei Nienburg.
Burchardus1 Dei gratia maior burcgravius Magdeburgensis omnibus presens scriptum inspecturis salutem in perpetuum. Recognoscimus et tenore presentium protestamur, quod prepositus et conventus in Roden de voluntate et consensu nostro domino abbati et conventui monasterii in Nienburc vendiderunt xxj mansum et dimidium in proprietatem et ius perpetuum: in villa Collendorp viij mansos cum omnibus attinenciis, in Heinrikesdorp ix mansos cum omnibus attinenciis, in Rodeniz quintum dimidium mansum cum omnibus attinenciis, areis videlicet, pratis et pomariis et cum denariis, qui de dictis bonis recipiebantur. Dicti prepositus et conventus emerunt alia bona in villa Ludolvesdorp monasterio eorum magis comoda et vicina. Et ne super huiusmodi venditione simul et donatione seu etiam nostro consensu in futurum dubium oriatur, presens scriptum super eo sigilli nostri munimine roboramus. Datum anno Domini m.occ.lv, vij Idus Julii.
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 162. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_162.jpg&oldid=- (Version vom 31.7.2018)