autentico scripturarum testimonio perennari. Noverint igitur universi tam presentis
temporis quam futuri, quod in causa, que inter nos ex una et dilectum nobis in Christo
conventum nostrum in Gerenrod ex parte altera vertebatur pro eo, quod illustris princeps Heinricus1 senior comes Ascharie ornatum ecclesie, duas videlicet tabulas auro
tectas, nostras in manus tradidit ob debita ecclesie iam dicte, quorum oppressa nimio
iacebat onere, persolvenda, talis compositio intercessit, quod ex annuis nostris redditibus2, virorum prudentium consilio suggerente, quindecim marcarum redditus ante beate
virginis assumptionem in proximo nunc venturam conventui prenotato promisimus assignari, ut a termino illo deinceps in suos eos usus redigat et eisdem libere de cetero
potiatur, eo etiam de communi prescripti conventus consensu pariter et assensu adiuncto,
quod, cum de vite medio per mortis fuerimus invidiam evocate, ipsa, que divina favente
clementia nostro fuerit regimini substituta, cum ceteris sibi succedentibus factum hoc
ratum et inviolabile conservabit. Et ne super eo posteris recidive questionis scrupulus
emergere valeat aut oriri, litteram presentem sigilli nostri et aliarum idonearum personarum, quarum, ut predictum est, consilio et auxilio mediante prefata discordia conquievit, domini Hermanni videlicet maioris ecclesie in Halberstat prepositi, domini
Burchardi vicedomini fratris nostri, domini Cononis de Diefholt, domini Liudolfi de Sladem, eiusdem ecclesie in Halberstat canonicorum, iussimus sigillorum muminine roborari.
Huius rei testes sunt: Gertrudis preposita, Gerburgis decana, Mechtildis preposita in
Vrose, Margareta de Lobeniz, Oda custos, Gertrudis de Anehalt, Gertrudis de Drondorp; Salomon, Johannes, Gerardus, Helwicus, Heinricus de Magdeburch clerici et ipsius ecclesie in Gerenrod canonici, et alii quam plures.
Datum per manum notarii nostri Herbordi, anno gratie mo.cco.xlixo.
1249. Gerbstedt. Die Aebtissin Bertha von Gerbstedt und der dortige Klosterconvent bestätigen den Verkauf von Gütern zu Zernitz an das Kloster Kölbigk seitens der Gerbstedter Ministerialen Erenfried und Heinrich.
Bertha Dei gratia abbatissa, Bertramus prepositus totusque conventus ecclesie Gerbezstadensis omnibus Christi fidelibus in perpetuum. Ne ilia, que rite ac rationabiliter disponuntur, ab hominum memoriis evanescant, ea plerumque scripturis solent autenticis commendari. Noverint itaque tam posteri quam presentes, quod Erefridus et Henricus laici et fratres, ecclesie ministeriales, de nostro consensu tres mansos cum tribus areis ecclesie nostre in Cernitz sitos, quos dicti laici ab ecclesia nostra in feodo tenuerunt, cum advocatia et omni iure vendiderunt venerabili viro Conrado preposito et conventui in Kolbecke pro viginti et octo marcis argenti. Quam venditionem nos ratam habentes eosdem mansos cum predictis areis, cum omni iure, quod nobis in ipsis competebat, prefatis preposito et conventui auctoritate presentium assignamus. Ut autem ea, que in presenti pagina sunt scripta, tam a presentibus quam futuris inconvulsa
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 144. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_144.jpg&oldid=- (Version vom 31.7.2018)