1227. Januar 4. Bei Könnern. Erzbischof Albrecht II von Magdeburg verleihet der Magdeburger Propstei die Vogtei über 49½ Hufen Landes in verschiedenen Ortschaften, welche Graf Heinrich I von Ascharien bisher zu Lehen getragen.
In nomine Domini amen. Albertus Dei gratia sancte Magdeburgensis ecclesie archiepiscopus, legatus et comes Romaniole, universis in Christo fidelibus tam presentibus quam futuris volumus esse notum, quod nos ex consensu fratrum nostrorum capituli Magdeburgensis advocatiam quinquaginta mansorum dimidio minus cum areis attinentibus in veteri Weddingen et magno Weddingen, Korlingen, Wolmersleve, Haldewigestorp et Polne, quam a nobis in feudo tenuit nobilis vir Heinricus1 comes Ascharie et ab ipso tenuerat comes Bethericus, qui ad petitionem domini Ottonis bone memorie olim prepositi Magdeburgensis et pro pecunia sua ipsam Rodolfo de Ottersleve, Alberto Jagewinkel ministerialibus prepositure in feudo concessit, quam etiam postmodum predictus comes Ascharie ad petitionem fratris nostri Willebrandi, Magdeburgensis prepositi, receptis ab ipso quinquaginta marcis argenti dimidia marca minus in manus nostras resignavit, prepositure Magdeburgensi cum omni plenitudine iuris sui tradimus et donamus, cum ipsam advocatiam vacare nobis continget vel per mortem antedicti comitis Beterici vel per resignationem in manibus nostris vel aliorum sub nomine nostro factam. Volumus etiam et districte sub interminatione anathematis inhibemus, ne aliquis successor noster vel prepositi audeat vel presumat iam dictam advocatiam infeudare vel quomodolibet obligare. Ut igitur hec nostra donatio imperpetuum debitam obtineat firmitatem, presentem paginam inde conscriptam sigilli nostri appensione fecimus insigniri. Huius rei testes sunt: Wernerus prepositus de Hunoldesburg, Ludolfus de Indagine, Lodewicus de Grabowe, Thegenhardus vicedominus curie nostre canonicus Magdeburgensis, Ludolfus pincerna, Bartholomeus, Rodolfus de Gatersleve, et alii quam plures. Acta sunt anno gracie m.cc.xxvij. Datum aput Konre, ij Nonas Januarii, per manum Richardi notarii nostri, anno xxij.
1227. Mai 22. Rom im Lateran. Papst Gregor IX fordert den Erzbischof Albrecht II von Magdeburg wegen Vergewaltigung des Klosters Nienburg zur Verantwortung und verurtheilt ihn wegen Versäumniss in dieser Sache zu einer Geldbusse.
Gregorius episcopus, servus servorum Dei, venerabili fratri Alberto1 archiepiscopo Magdeburgensi salutem et apostolieam benedictionem. Quanto maiorem obtines in ecclesia Dei locum, tanto gravius Deum offendis et homines scandalizas, cum per tergiversationes
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 68. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_068.jpg&oldid=- (Version vom 31.7.2018)
