1225. März 26. Halberstadt. Bischof Friedrich II von Halberstadt bekundet und bestätigt die Schenkung des Landgrafen Ludwig VI von Thüringen an das neugegründete Marienkloster zu Mehringen, bestehend in der dortigen Stefanskirche nebst Zubehör.
Fridericus Dei gratia Halberstadensis episcopus omnibus Christi fidelibus hanc paginam audituris salutem in Domino. Litteras dilecti fidelis nostri illustris principis domini Lůdwici Thuringie lantgravii, comitis palatini Saxonie, super donatione parrochialis ecclesie in Meringe, quam ipse novelle plantationi eiusdem ville feliciter erogavit, in plena sinodo nostra recepimus in hec verba: Venerabili in Christo domino suo Friderico1 Halberstadensi episcopo Lůdewicus1 Dei gratia Thuringie lantgravius, Saxonie comes palatinus, promptum ad omnia debite fidelitatis obsequium. Vestra sciat sanctitas, quod ecclesiam sancti Stephani in Meringe cum septem mansis et quatuor areis ad edificationem claustri contulimus, quod in honore beate virginis in eodem loco fundatur. Rogamus igitur studiose, quatinus Dei intuitu et nostri obsequii respectu hanc nostram donationem auctoritate episcopali dignemini roborare. Nos igitur factum tanti principis commendantes in Domino et iustis eius petitionibus benivolum prebentes assensum, felicem donationem ipsius predicte novelle plantationi in nomine Domini confirmamus, sub interminatione anathematis districtius inhibentes, ne quis ei in ipsa iniuriosus presumat existere vel molestus. Si quis autem presumpserit, indignationem Dei omnipotentis et nostri anathematis vinculum se noverit incidisse. Actum Halberstat per sententiam in generali sinodo nostra, presentibus clericis et laicis infinitis, vij Kalendas Aprilis, pontificatus nostri anno quinto decimo.
1225. April 19. Rom im Lateran. Papst Honorius III bestätigt den zwischen dem Abte Konrad von Prémontré und den Prämonstratenser-Klöstern Norddeutschlands, darunter auch Kölbigk, abgeschlossenen Vertrag.
Honorius episcopus, servus servorum Dei, dilecto filio Conrado abbati Premonstratensi salutem et apostolicam benedictionem. Ea, que pro ecclesiarum utilitate et pace provide ordinantur, apostolico sunt munimine roboranda, ut impensiori diligentia observentur. Ex parte siquidem tua fuit propositum coram nobis, quod, cum inter te ex parte una et sanece Marie Magdeburgensis, de Gratia Dei, de Liezeka, de Brandeburg, de Havelberg, de Rasceburg, de Jericow, de Calebeke, de Rohde, de Quedelingeburg, de Wida, de Polethe1, de Gramazohe et de Themenis prepositos ex altera questio verteretur
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 62. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_062.jpg&oldid=- (Version vom 31.7.2018)
