Seite:DE CDA 2 045.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Otto von Heinemann (Hrsg.): Codex diplomaticus Anhaltinus. Band 2.

et prefato redditu sitis ipso iure privati. Ad rei ergo memoriam et perpetuam firmitatem provisionem seu compositionem huiusmodi, quam tu et procurator predictus in presentia nostra sponte ac concorditer recepistis, presenti pagine annotari fecimus et bulle nostre munimine roborari. Nulli ergo etc. nostre compositionis et provisionis infringere. Si quis autem etc.

Datum Laterani, iiij Kalendas Junii, pontificatus nostri anno quinto.

Aus dem lib. regestor. Honorii III, an. V, ep. 687, fol. 137, im Vaticanischen Archiv, mit der Ueberschrift: Henrico comiti Ascharie compositio inter ipsum et abbatem Nienburgensem confirmatur. - 1. Mspt. statt des Namens nur Punkte.

53.

1221. Juni 11. Rom im Lateran. Papst Honorius III bestätigt dem Kloster Nienburg die Beilegung des Streites mit dem Grafen Heinrich I von Ascharien über die Nienburger Vogtei.

Honorius episcopus etc. dilectis filiis abbati Gernoto¹ et conventui Nienburgensi salutem etc. Ea, que pro bono pacis provide ordinantur, scripture decet autentice commendari, ne per oblivionis incomodum in recidive questionis scrupulum relabantur. Sane cum dilectus filius Rodegerus monachus et procurator vester contra nobilem virum Henricum comitem Ascarie in nostra presentia constitutum multa tam super exoculatione et mutilatione tua, fili abbas, quam super diversis gravaminibus et iniuriis, que occasione advocatie vobis et monasterio vestro irrogasse dicebatur nobilis memoratus, proponere curavisset, nos eis diligenter auditis ad concordiam inter vos et eundem comitem reformandam curantes interponere partes nostras de consensu dictorum comitis et procuratoris, qui mandatum tam ad componendum quam ad agendum habebat, sic duximus providendum, ut videlicet triginta tantum marcharum redditus annuatim percipiendus in certo loco vel locis predicto comiti et eius heredibus in bonis monasterii vestri per te, fili abbas, advocatie nomine assignetur ita, quod ipse comes vel heredes eius nec in monasterio ipso nec in hominibus vel aliis rebus seu iuribus eiusdem monasterii occasione advocatie aliquid ulterius exigent vel recipient quoquomodo nec se aliquibus monasterii negotiis immiscebunt, nisi a monasterio requisiti. Requisiti vero ipsum monasterium defendere teneantur, ita tamen, quod defensionem huiusmodi non extendent, nisi quatenus ipsum monasterium sibi viderit expedire. Quod si forte contra venerint, et predicto advocatie nomine et prefato redditu sint ipso iure privati. Ad rei ergo memoriam et perpetuam firmitatem provisionem seu compositionem huiusmodi, quam comes et procurator predicti in presentia nostra sponte ac concorditer receperunt, presenti pagine annotari fecimus et bulle nostre munimine roborari. Nulli ergo etc. nostre compositionis seu provisionis infringere. Si quis autem etc. Datum Laterani, iij Idus Junii, pontificatus nostri anno quinto.

Aus dem lib. regest. Honorii III, an. V, ep. 725, fol. 144, im Vaticanischen Archiv, mit der Ueberschrift: Abbati et conventui Nienburgensi compositio inter ipsos et comitem Ascharie confirmatur. - 1. Mspt. statt des Namens nur Punkte.

Empfohlene Zitierweise:
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 45. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_045.jpg&oldid=- (Version vom 31.7.2018)