|
Wilhelm Busch: Ut ôler Welt. Volksmärchen, Sagen, Volkslieder und Reime |
|
|
Fleutke pipe wutte gan!
Eck will deck up de dören slan,
De dören sall deck stêken
De rabe sall deck freeten
Zapp aff, zapp aff.
Kättchen leip den barg henup
Mit’n stumpen meste
Sneit meck hut un hare aff
Allens wat’r uppe satt
Zapp aff, zapp aff.
Zur Unterhaltung der Kinder.
De wind de weiht,
de hahne de kreiht,
de voß sat up’n tune
un plücke gele plumen.
eck säi, häi schöll mi äine giäben,
do wolle ’e mi lütke stäine giäben.
do nam eck minen bunten stock
un släog ’n up den kahlen kopp,
do räip häi mester Jakob.
mester Jakob was nich inne.
do sä häi ’t sinen kinne,
dat smeet mi met ’r tangen,
do reet eck me na Frangen,
un ans eck hen na Frangen kam,
do sat de katt in käostall
un maoke frische bottern.
de flädermus däi fege dat hus,
de lütke mus brochte den dreck henut
bet achter de schünen.
dar säiten dräi kapünen,
däi söchten ’r dat beste hawerkaff ut,
dar bräon se säute beer ut.
de heuner up’n wieben,
däi wollen dar beswieben.
dat beer fong an te brusen
den äinen ständer ut’n huse.
do kam de ole süäge vär’t hecke,
der smecke dat goe beer säo nette.
Wilhelm Busch: Ut ôler Welt. Volksmärchen, Sagen, Volkslieder und Reime. München: Lothar Joachim, 1910, Seite 161. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Busch_Ut_oler_Welt_161.jpg&oldid=- (Version vom 17.8.2016)
