Item noch 1 terlinch, es inne 25 halve Alstedesche halve laken.
Item noch 1 terlinch, es inne 265 Alstedesche halve laken.
Item noch 1 terlinch, es inne 25 halve Alstedesche laken.
Item 1 pack, es inne 14 grauwe laken; der sint 2 wyt, dey sint lanch myt den 4 laken, dey op dey 3 packen sint ton slachdoken, 303½ ellen; dey elle stet 16 gr. 3 enghels. Item so sint hir noch inne 7 stucke grauwes, isgrau, dey holden lanch 118 ellen; dey elle stet 16 gr. Item so sint hir inne 3 Mensselle, holden lanch 71 ellen 3 quartyr; dey elle stet 17 gr.
Item 1 terlinch, es inne 27 halve Belardes, also 14 blauwe myt den slachdoke, 8 swarte, 3 grone, 2 rode; elk stont 15 sl. gr.
Item in den terlinge es ok 27 Belardes also 13 blauwe myt den slachdoke, 9 swarte, 3 gronne, 2 rode. Aldus so stet elk half 15 sl. erstes kopes.
Item so es in dessen terlinge myt dem ha by den merke 24 halve Bussche laken, also 15 swarte, der es 1 ton slachdoke, 8 rode, 1 blauwe, elk stet 8 sl. 6 gr.
Hildebrant Hoyman unde Fylypus, aldus so sint dey 8 terlinge ghemerket unde wes hir inne es unde wat elk stet bysunder.
Item so sante ick op dey Elve noch 5 balen korckes; dar was inne 50 dosin, dat es in elkem packe 10 dosin; elk dosin stet wol 1 marc Lub., darna wetet ju to rychten.
Item so sante ick ter Wyssemer 12 tunnen alluns; dey stonden 17 ℔ 17 sl. 10 ₰.
Item so sante ick noch to der Wyssemer 12 tunnen myt seppe; dey stonden 11 ℔ 7 sl. 8 ₰.
Item so es dey summe tohope van dessen wande unde al dinck tohope 230 ℔ gr. Hirvan sal, ofte God wyl, werden by den 1700 marc Lub., sal ick icht wynen.
Item Greteke wyf, dyt sedelken machtu Hoyman unde Fylypus overlaten lesen, dat sey syk na moghen rychten int vorkopen. Sey solen hir clarlyken seyn wes sey to donde hebben. Hirmede anders so kan ick dy nu wat mer scryven op desse tyt, mer var altos wol. Ghescreven 5 dage na sunte Peters unde Pauwels dage.
473. Hildebrand Veckinchusen vermerkt einen im Gefängnis in Brügge empfangenen Besuch.
- Rev. St.-A. Kleines Papierblättchen mit H. V.’s Handschrift.
Op den 29ten dach jannewario do quam Jacop Schotteler op den sten myt Gherwin van den Espen unde Johen Sunenschin unde wolde sick vorantworden, dat by sinem todonde nicht en were, dat ick in den sten komen were unde wolde dar slechtes van my vurslagen sin. Ick segede neyn, wat
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 463. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_463.jpg&oldid=- (Version vom 31.7.2018)
