Wikisource

Seite:Briefwechsel Hildebrand Veckinchusen 453.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.


454. Hans von Mynden an Hildebrand Veckinchusen.

Rev. St.-A. Orig. Adresse nicht vorhanden.

Vruntlike grote tovoren. Hildebrant, leve vrunt, dyt is juwe rekenscap unde de myne in dem jar unsses heren 1410 jar, do bleve gy my 44 marc 12 sl. Item do was ik ju wedder 275 marc van Hinric Scryvers wegen, afslagen de 44 m. 12 sl., zo blef ik ju da schuldych 230 m. Lub. 4 sl. Item zo byn ik ju schuldych 244 marc 10 sl. 2 ₰ van den sundergelde. Item so byn ik ju van enen terlink wandes 205 marc. Item so byn ik ju van Boden van Stockem 264 marc Lub. Hir hadde ik my arc vorscreven, summa 943 marc 14 sl. 2 den., dat ik ju blive. Item zo hebbe ik betalt Johan Bardewik 28 ℔ gr., summa 179 m. 12 sl. Item betalt Bramsteden 25 ℔, summa 159 marc 6 sl. Item so hebbe ik betalt Gherd Salmensten 216 marc Lub. vor de Rynsche gulden, de Syverd juwe broder up my kofte in der hervest mysse, do scref he my, hadde ik nen gelt by my van syner wegen, zo solde ik et van den juwen nemen. Item so syn gy my schuldych 60 ℔ gr., de ik hir gaf ut, de maken to gelde dat punt vor 6½ marc minus 8 den – 390 marc minus 10 sl.[1], summa 944 marc 6 sl., aldus blive gy 10 sl. Lub. und 2 den. Lub.

Item, leve vrunt alze gy scryven van de 80 ℔ gr., de solle gy afslaen wedder de 600 Rynsche gulden, wante ik hebbe er in myne rekenscap nycht nomen, aldus vorliket ju myt juwen broder unde ik mene gy sollens under ju beyden wol to der warde komen. It is my leyt, dat ik et aldus nycht ir screven hebbe iderman des anderen rekenscap, zo hadde gy wol vorstaen. Na al juwen breven so is juwe rekenscap unde de myne wol ens bet up[2] 60 marc de juwen broder to staen screven van Boden van Stockem unde dat gelt van Gerd Salmensten, de 216 marc Lub. Hirmede blivet sunt unde bedet over my unde ik wyl de selscap nycht mer hir hanteren. Wy moten enen ende nu[2] maken. Blivet sunt. Scriptum an den mytweken sunte Laurensyy.

Hans van Mynden.


455. Tileman van Oldenbrekelvelde an Hildebrand Veckinchusen in Brügge.

Rev. St.-A. Orig. Pap. Adr.: Honesto viro Hilbrando Veckinhus Bruege detur.

Mine vrentlike grouete unde wat ic guedes vormach to allen tiden bereit. Wetet Hilbrant, sunderlix guede vrent, dat ic Tideman Greven mynen neeven overghewuest hadde an u to ontfangen van myner weghene 68 nobele, de y my noch sculdich syn unde he solde my der myn profuet mede gedaen hebben to Calis end des en es nicht ghesceyn, der my to kort in sciet ende oec groten scaden by neme, warby ic u vrentliken bidde, dat y Willem Cruess van myner weghen willen betalen 68 nobelen, want he hevet my to Lire

  1. ↑ Die richtige Summe ist 387 marc 27½ sl.
  2. ↑ a b Unleserlich.
Empfohlene Zitierweise:
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 453. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_453.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_453.jpg&oldid=3224805“