et ginge to wynge ofte to vorlust. Hirumme doet wol unde scryvet uns myt den ersten. Ik eyn wet ju anders nicht to scriven, men Ypersche, Poppersche, Tomasche, de nemen se levest, men se nemen nu wol wat et is, wante hir eyn is nicht vele wandes in dem lande. Schonewerk butet men hir umme 18 stuke unde was kopet men hir umme 30 marc umme rede. Vart ewegen wol to Gode gesunt. Gescreven to Darbte des ersten dinstages in der vasten.
436. Hildebrand van den Eyken an Hildebrand Veckinchusen in Brügge.
- Rev. St. A. Orig. Pap. Adr.: An Hyldebrand Vockinkhussen
to Brugge offte war hey es detur.
Vruntlike grote tovoren. Wetet Hildebrant, leve swager alzo alze gy uns gescreven hadden hir imme lande solt to kopen. Myn swager Engelbert unde wy hebbens hir wol 100 leste gekofft unde Tomas hevedes tor Rige 30 leste gekofft, alze he uns scrivet. Wy kofftend umme 13 marc unde ens ferd. myn unde darby unde sey beyden hir nu to 15 marken. Unde wan wy ok einyge tydinge wisten, offte dar solt ute der Baie queme, dar mochte wy uns na richten, wante en queme, dar gein solt her, so soldet hir vele duerre werden. Unde wert ok, dat daz solt queme, so wert hir best vorkofft. Vortmer, leve swager, wy soldens wol en 300 leste hebben gekofft offte en 4 unde beteren kop dan wy gekofft hebben unde ok lengeren borch, men Filippus, dey uns de breve brachte alzo alze wy vornomen hebben van luden, so was he tor Rige gegan to einem, de het her Johan Visaen unde gaff dar de tydinge er to kennende dan he se Tomase gaff to kennende, alzo kregen se dat solt unde Tomas de moste nasein. Des selven geliken nam he do breve van her Johan Visane unde brachte hir Ludeken van Staden unde Poppen. Unde de hadden alreide wol 60 leste soltes gekofft, er uns unse breve worden. Dyt moyge gy sulven wol merken, wat grotes schaden uns dat doet. Unde ik danke ju myns dels vruntliken, dat gy uns hir guenstich inne weren. Ok hebbe wy hir gekofft tusschen 50 lesten unde 60, tusschen hir unde sunte Johannes dage to leverende. Wo et uns darmede gan vel, des en wete wy nicht. Hirmede sit Gode bevolen. Gescreven des vridages na paschen.
437. Walter van Espende in Antwerpen an Hildebrand Veckinchusen in Brügge.
- Rev. St.-A. Orig. Adr.: Den erberen ende wiisen Hyldebrande Veckinchusen minen ghemynden vrient nu te Brugghe wesende. In dorso von H. Veckinchusen’s Hand: Ic sal senden to Andorpe Wolter van Espende to Andorpe in dey gans 2 Rynsche gulden unde 13 gr. Dyt ghelt sende ick to Andorpe
by Kerstejan van Mollem an Wolter
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 441. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_441.jpg&oldid=- (Version vom 31.7.2018)
