| Item so gaff ic den stenworter dat he dar to help spreken dat he utquam, dem gaf ick ok 10 cronen summa | 2 ℔ | ||
| Item so gaff ich den balys unde den proveste to vordryncken dat de dar och to helpen, dat ich en utkrech 15 kronen summa | 3 „ | ||
| Summa tohope dat ich vor en utgegeben hebbe, so vorgescreven steit | 53 „ | 19 sl. | 6 gr. |
Nu moge gy merken, wat et kostede, er ich en ut den stene kunde gekrigen nochtant zo kostende et my van gunsterye dat ich nicht einrekene und van anderen dynghen.
Hirup so hebbe ich weder untfangen int erste so dat ich ju Zyverd unde Mertyn Kastorp in juwer rekenschop affrekende 28 ℔ 5 sl. gr. Item so hebbe ich noch untfangen so dat vor de cleder gekomen is, de se my santen dar is vorgekomen in al mit decken(!) 7 ℔ 6 gr. Desse cledere weren tomale sere vordervet van den wormen, dat was myns saligen vedder schult, wante ene wolde der mit den ersten nicht vorkoft hebben. Item so hebbe ich noch untfangen zo dat my myn susterken sante over lant by Lobelde an Vlamesch Gelde 4 sl. 8 gr.
Zyverd vedder doet wol unde spreket myn zusterken hirumme dat se my dit weder schicken, wante ich doch kost genoch hirumme dede, er dat ich it hirto brochte, dat he van hir quam. Al ysset so dat he er yele dynges vrot gemaket hefft unde over my clagede dat quam by dat he synen willen nicht hebben mochte dat ich em volgen wolde so he begerde unde en hadde och nicht erlich vor uns alle gewesen; unde ysset oc sake dat se et nicht en hefft my to betalende war wil ich dan hen?, ich ene mote darmede liden, so begerte ich doch dat se dan geyne clage over my en doe, se en wete mer beschedes dan ich wante[WS 1] ich vornam van ju unde anderen vrunden dat he my nicht grot en danckede, dar en lach my nicht an, unde ich hadde ju lange rekenschop gescreven, mer ich en kunde der cleder nicht vorkopen noch quit geworden. Ich en moste der groten kop gegeben unde en kunde er och vor den wormen nicht lenger vorwaren. Gescreven op lichtmessen anno 28.
415. Engelbrecht Wytte, der Jüngere, in Riga an Margarethe Veckinchusen in Lübeck. – 1433 Oktober 9.
- Rev. St.-A. Orig. Pap. Adr.: An Grete Vekkcynchusesche to Luebeke sal desse bref myt aller werdycheyt. Gedr. Liv-, est- und kurländisches Urkundenbuch 8 n. 730. Verz. Beiträge zur Kunde Ehst-, Liv- und Kurlands B 2 S. 227. Nr. 177.
Vruntlyke grote to allen tyden tovoren ghescreven. Wete, Grete suster, dat my her Wolter Rode van dyner weghen ghesproken heft ume de 100 mark van myner moder weghen selyger dechtenysse. Dat wete,
Anmerkungen (Wikisource)
- ↑ Korrigiert nach Berichtigungen
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 425. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_425.jpg&oldid=- (Version vom 31.7.2018)
