vordreyte. Ock so es hir kostelich teren, also dat ich nicht wol en wet, wat ich selven anslan sal, wat sal mer scryvens dan des einen guden eynde vorlene uns de barmhertighe God, de ju bewaren mote unde al unsere guden vrunde. Datum Colone die 14 magij anno 20 quinto.
Item so es Kornelis hier unde he hevet met de Venedigeren ghedeghedinget unde he en wet nicht, off myn om, juwe broder, dat holden wille. Darumme so wille he tho Lubeke wart met den ersten.
402. Heinrich op dem Orde in Lübeck an Hildebrand Veckinchusen in Brügge. – 1425 Juli 22
- Rev. St.-A. Orig. Pap. Adr.: Deme erberen menne Hildebrande Wekkenkhuesen te Brugge littera detur. Von H. V. Hand: 1425, 17. den ouste.
Vrontlyke groute vorgescrewen unde ves ik gudes vormach. Wete Hildebrant om also gy an her Johan van Emeren unde an Bartolde Herentrey unde an Tydemane unde an my gescrewen hadden, den brif las uns Syvert juwe broder, dar scryvet ju Syvert en antworde op na erme bevele ok mene ik he scryve verrer[1] unde Bokel enen brif, vyllen se den alse se gescrewen hebben, dat se don, also se scryven unde schikken in dat, dat gy van der stede komen. Van gy of God vyl hir komen, so vyllen ju dese vrende helpen na aller macht. Item, Hildebrant om, ik scryvet ju also myn men vrende, ves ik don kan na myner macht, dat vyl ik alle tyt gerne don, gy merken vol myne not, ik hebbe gehad ene grote last op my, ik hebbe myne dachter sulf deren[2] dan ik in 12 jaren ny denar van untfenk unde stet my grot gud dar to unde hebbe mynen sone Herman, de guden luden daz er schuldyc is, ik enne vormach es nycht dat ik ene ut syner schult helpe. Ik hebbe myne anderen sene alle, dat ik hebbe, opgedaen van me drade, dat ik hebbe dat he my unde myme wywe lyflyk dynk gevet, dat my hart genoch vert. Doch so wyl ik alle tyt gerne don ny myner macht to juwen besten. Ik enne wet ju op dese tyt anders nycht to scryvene. Blyve gesunt und bedet to my Hildebrant om, ik enne hadde in 6 jaren ny en ℔ gr. in Vlandern. Gescreven op sunte Marygen Madelenen dach.
403. Margarethe Veckinchusen in Lübeck an Hildebrand Veckinchusen in Brügge. – 1425 Juli 24.
- Rev. St.-A. Orig. mit den Resten des Siegels Adr.: An Hildebrant Veckinchusen. In dorso von der Hand des Empfängers: 1423, 17 in den ouste.
Vruntlike grote unde wes ik godes vormach. Hildebrant, leve man, you geleft to weten, dat yk jowen bref wol vorstan hebbe, den gy ons hier
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 414. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_414.jpg&oldid=- (Version vom 31.7.2018)
