nywers an en schelt den dat gy juewen rekenschup nyt ens syt. Ik en kan de rekenschup twyschen juew und en nycht maken, men so et, dat gy de rekende myt en maken, als ik wet, woevele, dat se utgeven sullen, dat sullen se wol geven. Ik hadde ment, dat gy solden hebben vorbeydz to der tyt dat Hermen Darzauew oft Ghed van Mynden oft Wilm van Kalven her komen hadde, so wolde wy dar wol enen guden raet to gevunden hebben, des ik allene nyt doen en kan van des Lubeschen dordendels wegen, so gy wol weten mogen, dat id my nyt staet te doende allene und hadde my noch gued geduechtz, dat gy dat so lange hadde laten staen. Hirmede varz wol.
369. Heinrich Hoep an Hildebrand Veckinchusen. – 1424, Anfang Januar.
- Rev. St.-A. Orig. Pap. Eine Adresse ist nicht vorhanden. Auf der Rückseite steht von H. V. Hand: Hinryck Hoep 1424 jar 17 in janewario.
Hildebrand Vickinghusen, gude vrund, wetz so wy ladest tozamen spreke, dar hebbe ik word van gehad gegen Everd. Ik mene so wy des doe eyns wern twysschen juw und my, dat solde sik wol doen laten. Konde ik men so vele selschop van unsen dordendel vorgaderen, dat wy tozamen spreken mochten umme den bref, den gy besegelt hebben, wy vorbeyden van dage to dage na Hermen Darzouw und Wilm von Kalven. Hadde wy de, so werd en kort dink, anders nycht, men syt Gode bevalen und bedz over my.
370. Eine Quittung des Joris dey Necker. – 1424 Februar 15.
- Rev. St.-A. Orig., ein länglicher Papierstreifen mit fast vollständig erhaltenem Siegel, auf dem man trotz der beschädigten Buchstaben liest: Joris de Necker sigillum. Auf der Rückseite hat Hildebrand Veckinchusens Hand bemerkt: dyt es ene quytancyge van Joris dey Necker also van Dannel de Ledighe van 3 ℔ 17 sl. 10 gr.
Item ic Joris de Neckere kenne endelic, dat ic ontfaen hebbe van Dannele de Ledeghe noch in minderinge 3 ℔ 17 sl. 10 ₰ van 2 Vielvortsche lakene, dy Hyllebrant Wynckusze jegen my cofte. In kenneste der vaereit, so hebbe ic mine zegele hier upgedruct ende dyt waes gedan in jaer 1400 ende 24 den 15ten dach in sporkele.
371. Johannes van dem Bokele in Köln an Hildebrand Veckinchusen in Brügge. – 1424 März 24.
- Rev. St.-A. Orig. Adr.: Hildebrand Veckinchusen to Bruecghe. In dorso von der Hande des Empfängers: 13 dage in meye.
Minen deinst in al dat ich gudes vormach. Leyve om Hildebrand dat paxken en wolde ich ju jo nicht gerne seynden in der wysse also et nu ist.
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 387. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_387.jpg&oldid=- (Version vom 31.7.2018)
