ghesproken, wante he quam ghisteren avent spade unde desse bode wel enwech. Aldus so sende ik ju de rekenscop van den vyghen hirinne, alse se uns Hermann Platenslegher overgheven hevet, de moghe gy overreken. Men Bertram hevet ok Platenslegher ghescreven, dat gy neine last noch maninge van den vyghen hebben en dorven unde ok so en werde gy nerghen ume ghemant. Vorwar, Hildebrant, he hevedet Platenslegher tomale schone screven unde ik holdet dar vor, dat Platenslegher hir nicht van enwet. Hedde wy Herman Darsow sproken, so wiste wy, war wy kart weren, sintemale dat he darop thughet. Also langhe welle wy de scriffte beholden, de gy uns nu ghesant hebben, dat wy Herman Darsow sproken hebben. 15 die in decembri alzet maltyt was anno 21, mit hast.
309. Johann van dem Bokele in Köln an Hildebrand Veckinchusen in Brügge. – 1421 Dezbr. 22.
- Rev. St.-A. Orig. Pap. Adr.: Hildebrand Veckinchusen war he is, sal desse breyff. Darunter von H. V. Hand: 22, 2 in jannewario.
Vrentlike grote vorghescreven leyve om wittet, dat de man van Suotvene, gheheyten Rad, hir vake by my komet. Unde Cornelius en hevet der pande nicht gheloset. Drumme so is de vorscreven man tomale gram unde he wel vorderen, wat he kan. He seghet, dat he juwe breyff hebbe unde Cornelius breyff unde de pande dar tho. Item, so es myn om Zyvert wol tho Lubeke comen unde de ogen weren em tomale kranck. God gheve dat al dink gud werde. Ich ghelove he dencke to Lubeke to blyven wonen unde ich hedde dar wol tho donde so er so beter, doch so solde ich gerne wat ander saken erst slichten, konde ich dat met eynigen bescheyde by brengen. God sy myt ju. Ghescreven 3 dage vor Kerst daghe anno 21 in Collen. Ghebeidet to my.
310. Eine Aufzeichnung Hildebrand Veckinchusens über seinen Vertrag mit Jacob Schoteler im Jahre 1421.
- Rev. St.-A. Pap. mit H. V.’s Hand: Int jar 1421 in Andorper markt to Bamysse
Wyllem van Kalven van Lubeke
Everhart van den Schyde van Dorpmunde
Johan Vysch van der Ryghe ordermans.
Gherwin van den Espen
Johan van den Bokelle
Einghelbracht Veckinchusen
noch soem ander vrende, desse gude lude weren Andorpe over[WS 1] der deghendinghe, de schach tusschen Jacob Scotteler unde my Hildebrant Veckinchusen, dar ick eme betrouwede lyf ere unde gud, darop ick in Brugghe reyt, dar my Jacop in sin hester leghede, dar ick secker in sin solde, des ick
Anmerkungen (Wikisource)
- ↑ Korrigiert nach Berichtigungen
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 329. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_329.jpg&oldid=- (Version vom 31.7.2018)
