vygen noch nen ghelt untfangen hebben noch was noch lywent unde ok de 40 ℔ groten nicht, de de cleryk overkofte. Item, so schal Bertram hirto betalen 40 ℔ groten, also hebbe yk Bertram ghescreven. Item so lopet dat yo up 550 mark und 5 mark 5 sl., des was 16 scheppunt 6 lyspunt 9 markpunt. Item dat lywent lopet syk ok wol up 200 mark, dat 100 vor 4½ mark Lub. Item, de cleryk to Johannes Bartluons huos heft untfangen 40 ℔ groten. Item, Bertram schal ok nuo utgheven 40 ℔ groten van unser wegen. Aldus schal de sume yo wol wesen myt wasse myt lywende unde myt pagemente 100 ℔ groten unde 90 ℔ groten ane wynnynghe. Summa van den vygen was 200 ℔ groten unde 27 ℔ 10 sl. Aldus synt gy noch tachter by 37 ℔ groten 1 ℔ myn oft meer, dat en schelet nicht ane. Item, so heft utgheven also gy gheschreven hebben 15 ℔ gr. Item, so heft Bertram wedder untfangen hir to Lubeke 100 marc Lub. Dat rekent en jegen dat ander, so ys dat qwyt. Leven [vrunde] yk bidde juo vruntlyken dat juer en den anderen helpe unde gheven dyt vorschreven guot den vromen luden up de vygen, so beyden se echter wol langhe ghenoch. Got sy ghelovet wy en synt nicht tachter van den vygen, wy synt alto voren, also gy dat wol schelen vynden in der rekenschop, de juo Tydeman Brekenvelt senden schal, deme hebbe yk se antwerdet. Vordrevet gy juo under juo dar bidde yk juo umme. Item, so help Got unde hilgen. Hildebrant dat my hir bangghe ghenoch wert, er yk dat ghelt van den luden manen kan in den steden. Leve vrundes, wille gy gycht dat dat yk doen mach dar bedet over also over juwen dener. Ghgescreven 8 dage na sunte Nycolaus daghe.
308. Tideman Brekelvelde (in Lübeck) an Hildebrand Veckinchusen und Hans Sonnenschein in Brügge. – 1421 Dezbr. 15.
- Rev. St.-A. Orig. Adr.: An Hildebrant Veckinchusen unde Hans Sunnenschin to Brugge littera detur. In dorso von der Hand des Empfängers: 1422, 8 in jannewarjo. Hirvan en hevet de loper nein ghelt.
Vruntlike grote tovorne screven. Wetet, Hildebrant, gude vrunt, dat my Hinrick Vocke rechtevort enen breff van ju dede, de was ghescreven des sundages na sunte Mertin[1], unde alse my dunket, so scrive gy, dat Bertram Ronneberch noch 1 ₰ nicht betalt en hebbe van den vyghen. Ik en hebbe den breff noch nicht halff overlesen, mer my dunket, dat et seer alens is de breff, den gy Everde unde my screven hebben. Item, Hildebrant, so gheleve ju to wetene, dat my Herman Platenslegher ut Bertram Ronneberch breve las, des noch nicht ½ stunde en is. Dar hefft Bertram Hermanne inne screven, dat he sick des nicht an en they wat gy eme scriven. Wante he were des mit den luden wol ens dar de vyghen van kofft weren unde he hedde se byna al vornoghet. Dit sulvet hevet he ok Ewerde ut deme breve lesen unde Bertram scrivet in deme breve wo dit Herman Darssow wol witlick sy. Nu en hebbe ik Hermanne noch nicht
- ↑ 16. November.
Briefwechsel Hildebrand Veckinchusen, Seite 328. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_328.jpg&oldid=- (Version vom 31.7.2018)
