301. Schuldschein des Hildebrand Veckinchusen über den Betrag von 48 ℔ 19 sl. 10 gr. Vläm. – 1421 Septbr. 15.
- Rev. St.-A. In dorso von Hildebrand Veckinchusen’s Hand: 1425, 24 daghe in junejus van 2200 cronen myn part van Ghert Lensendyk unde Evert van Meghen.
Int jaer 21 upten 15ten dach in septembri bekante Hyldebrand Vockinchuzen to Antwerpen vor den olderluden, dat he schuldich were Bernde Pleskouwen unde Henricke Hoep van des Lubeschen derdendeels wegen 48 ℔ 19 sl. 10 gro. Vlames, de welke he enwysede unde overghaff an de rostemente, de se ghedaen hadden under Johannes Hulstheden und Johannes Sunnenschyn van des Romischen koninghes gheldes wegen up so vele dat dem vorscrevenen Hyldebrande van den 2200 Rynschen gulden by Gobelinus in ghevordert up des vorscrevenen koninghes ghelt mochte tokomen und ock van den 600 gulden, de noch to Lubeke staen und vort up all dat dem vorscrevenen Hyldebrande van des vorscrevenen koninges ghelde rest, vortan mochte inkomen to zynem deele by wen dat yd were, dat de vorscrevenen Bernd und Henrik daerane de vorscrevenen 48 ℔ 19 sl. 10 gr. solde moeghen verhalen. Unde des so belovede Gherd Lentzendyck unde Kerstiaen van Meghem uten namen unde van wegen Everdes van Meghem unde Johannes Kavold und erer anderer geselscap den vorscreven Bernd und Henrik van dem vorscrevenen ghelde wol to vernoghen unde to vuldoen van also vele alse Hildebrand vorscreven to zinen deele solde geboren moeghen unde nochtant dat en van dem vorscrevenen ghelde na pennincktale nicht also vele to en kommt, alse de somme draghet, so solden doch alle de vorscrevenen rostemente doet wesen unde to nichte ghedaen.
302. Hinrik opme Orde in Lübeck an Hildebrand Veckinchusen in Köln. – 1421 Septbr. 22.
- Rev. St.-A. Orig. Pap. Adr.: Deme erber Hildebrant Vokkenkhusen to Kolne lyttera detur. Von H. Veckinchusen’s Hand: 1421, 16 in october.
Vrontlyke groute vorgescreven wete Hildebrant om, dat ik juwen breyf vol vornomen hebbe, dar gy inne scryven of gy my gescreven hedden, dat gy juwe gut ower volden geven, des enne hebben gy my nycht gescreven unser beder vrent let my enen breyf lesen, den hadde eme juwe gude vrent gescreven, dar steit inne, dat gy nycht lenk vorworde enne hedden to Kolne dan op synte Mychhele; ok stent dar inne of gy juwen schuldemer ower volden geven alle des gy hedden of gy der schuldemere darmede vol quyt mechten verden, he solde hey eme antworde van scryven unde rat vragede, met my vaz hey hir best opscreven unde bat my, dat ik ju ok myn gutdunken darof screve, darop scref ik ju, dat my dat nycht nutte enne duchte, dat gy dat juwe ut der hant geven sunder ende dat gy by se togen to Brugge volden se ju lyden unde boden en ves gy vermochten enne volden se des nycht nemen
Briefwechsel Hildebrand Veckinchusen, Seite 323. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_323.jpg&oldid=- (Version vom 31.7.2018)
