Seite:Briefwechsel Hildebrand Veckinchusen 315.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

Wo dat et hirmede varen wyl, des werde ic geware. Men solde ic dyt gelt wedder utgeven, so qweme ic to male ovel to, dat kent Got. Wat my hirvan weddervert, dat wyl ic ju wol scryven. Vort alse gy scryven van dem wasse van Bertram Renenberge, ic hebbe Ellincsen gesproken, he en wet nergen af de man, de em dat was gesant hevet, dem hevet he de bewerynge wedder gesant, so dat hir van Bertrams wegen nicht en is alse my duncket. Vort so hevet Seyer de pande te Nummege wart gesant alse ic ju er gescreven hebbe unde Johannes Marschede, de is alles dynges rede unde wyl segelen to Prusen ward in schepper Wulve unde licht by synem wynt. Vort alse gy scryven van der rostrynge, dat gy gerne weten wolden, wo dat is, des wetet dat under my gerostert is, wes ic van juwer wegen hedde, van der kammer wert my nicht gesecht; et en duncket my nicht nutte, dat et Jacob sal rosteren, wes hyr is, dat vyndet he allijke, wol. Vort so wyl ic spreken myt Lensendyk unde Derssouwen unde Gerwyn van den Espen, wes se my raden, dat wyl ic ju scryven. Ic en wet ju sunderlyng nicht to scryven dan my dunchte gud, dat gy to Andorpe int markt qwemen unde dar ju schuldeners spreken, na dem dat gy hir nicht komen en mogen. Ic solde ju wol mer scryven, men de schepe de wyllen to Lyflande wert segelen, so dat ic der tyd nicht enhebbe ju vele to scryven. Hirmede so spare ju Got gesunt. Gescreven des dinschedages vor sunte Laurensyus dage anno 21.

Engelbrecht Veckinchusen in Brugge.

Ic wyl ju in Andorpper markt alle rekenschop bryngen van juwen dyngen, oft God wyl.

291. Johannes Ellingsen in Brügge an Hildebrand Veckinchusen in Köln. – 1421 Aug. 6.

Rev. St.-A. Orig. mit den Resten des Sekrets. Adr.: Deme ersamen manne Hildebrant Veckinchusen to Ko^elne kome desse breff. In dorso von der Hand des Empfängers: Johannes Ellingsen.

Minen denst tovoren. Hildebrant, gude vrunt, alse gy schriven van wasse, dat ik to leveren solde hern Johan Bertune, dar gy my van segheden to Andorpen in den markede, dar en is my nicht van gheschreven. Ok en weit ik dar anders neyn bescheit van den alse gy my berichten to Andorpen. Were my van den saken wes ghescreven, dat hirto deynen mo^echte, dar wolde ik my anne bewisen, alse ik schuldich were to donde. Dit nemet int beste. Gode, dem heren mote gy bevolen sin unde ghebedet to my. Ghescreven to Brugge 6 in augusto anno 21.

Hans Ellingsen.

292. Jan Oesterman in Brügge an Hildebrand Veckinchusen in Köln. – 1421 Aug. 14.

Rev. St.-A. Orig. Adr.: An den erbaren man Hildebrant Vockinckhusen to Collen dandum. In dorso von der Hand des Empfängers: 1421, 19 in den ouste. Johan Ousterman.

Empfohlene Zitierweise:
Briefwechsel Hildebrand Veckinchusen. Leipzig: S. Hirzel, 1921, Seite 79. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_315.jpg&oldid=- (Version vom 31.7.2018)