Seite:Briefwechsel Hildebrand Veckinchusen 313.jpg

	Wilhelm Stieda (Hrsg.): Briefwechsel Hildebrand Veckinchusen

to Francvord mot, so weret my nu bet legen to vorderen dan op eyn ander tyt, unde wet wol wege, men dat moste wol 300 gulden unde grot arbeyt kosten, solde men des eyn eynde krygen unde dyt arbeyt unde gelt uttoleggen unde grot arbeyt to doende unde grot eventu^ere to staende. Dyt wel ic nummende to gude doen dan my sulven, dat mochte also vallen, ic moste wol 1000 gulden daran leggen, solde ic dar wat van krygen. Hyrumme helppet my nu eyn eynde met den eyrsten unde latet my des eyn gans eynde in dey mysse weten. Men wes ju boren mach, darvan sal ju wol werden na pennynctalen unde Tydeman ok. Vor ju beyden wel ic gernen arbeyden, also ic best kan, op dat gy my van den andern eyn eynde helppen unde werd my ok dey eynde nicht, so mote wy des al umme unberen. Dyt hebbe ic Tydeman aldus screven. Gy weten ok wol, doe ic umme myn arbeyt sprak, doe wart my gheseget, wan io dey sake eyn eynde hedde, so wolden sey my darvan loenen; darumme moge gy my dyt wol overgeven. Mochtet jo nicht anders syn, so wolde ic gernen 1 Yperschen laken utgeven, op dat ic des eyn eynde hedde. Dyt moste gy unde Tideman wyslyken vorenemen, op dat gy van Hynric opme Orde eyn eynde mochten krygen, dar leget dat al an den, wel ic dat jo nicht vore arbeyden.

Item ic hebbe hyr met eynem vrunde sproken unde den schaden van dem keyser, so es my raden, dat men den haftbreyve sole utscryven laten met eyme notaryus eyn instru^oment darover maken, met dem mochte men den schaden in dem konsylyu^om wol manen al hedde dey konync syn haftbreyve weder. Hyrop weset vordacht. Unde ic rade hoge, dat gy nemen, wat ju werden mach. Dat mocht wunderlyken met den konynge vallen, dat gy des al quyt werden. Got geve alumme beholden vard. Ghescreven op sunte Peters dach anno 21. Grotet al vrunt.

Zyverd Veckynchusen, Lubeke.

Grotet myn suster unde Everde unde Dru^etgen unde al vrunt unde scryvet my to Kolnne al tydynge.

289. Jacob Schoteler in Brügge an Hildebrand Veckinchusen in Köln. – 1421 Aug. 5.

Rev. St.-A. Orig. Adr.: Eenen eerbaren ende wisen Hildebrant Vickinchusen te Collen littera detur. In dorso von des Empfängers Hand: 1421, 13 in den ouste.

Groetenesse vorscreven. Lieve ghevadere weid, dat ic huwe breeven onfanghen hebbe, die ghi mi ghesent hett ende ooc wel verstaen, maer wat dat ic derin verneme van soeten woorde, ic en verneme niet derin van eenighen ghelde, dat mi mach werden als van de 9 ℔ 10 sl. groten, die ic vor hu moet betalen, daer ghi omme ghevanghen waert, van den welken gi in den steen soud ghegaen hebben en hadde myn hooft ghedaen ande doe so belof di mi bitrauwen ende als goed man ghi soud mi wel quiten als van desen dat icker gheene schade bi hebben en soude twelke ghi mi qualiken hebt ghehouden, dies ic hu niet betraut en hadde, want seker

Empfohlene Zitierweise:
Briefwechsel Hildebrand Veckinchusen. Leipzig: S. Hirzel, 1921, Seite 1. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_313.jpg&oldid=- (Version vom 31.7.2018)