Seite:Briefwechsel Hildebrand Veckinchusen 293.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

antworde vorbeyden, also ic lengest kan unde myn gudduncken weder scryven, also ic best kan.

Item ic wel myner dochter medegeven 1000 eder 1200 mark Lub. an reyntte unde an gude unde wel sey cleden unde inghedoemen, also to Lubeke eyn woenheyt es. Dat sal ok kosten mer dan 400 mark Lub. Unde Derssowe geve ic dat meste gelt wol Crowel nemmet wol 1000 mark. Dey Yborgersche segede my vele to Lubeke van Crowel unde es jo her Herman Yborgesch oem unde so were gud der Semensch hus ghekoft unde toverdyget met allen dyngen. Gy hebben dar Dyryc Borger unde Ju^orgen Jungen unde Wyllem van Kalven unde Vysch. Unde es Derssowe bestadet, so sal hey wol mede to raden helppen. Men dat dyt jo al wyslyc handelt werde, dat dar neyn ru^ochte van werde unde hemelyc blyve.

267. Kornelius Veckinchusen an Hildebrand Veckinchusen in Brügge. – 1421 April 21.

Rev. St.-A. Orig. Adr.: An Hildebrant Veckinchusen to Brugge. K.

V. In dorso von Hildebrand Veckinch.’s Hand: Korneles Veckenchusen Talleken 2 ℔ gr.

Item wyssent lieve oem daz ich uch bydden umme Godz wyllen daz ir mynner soster wyllent betallen 2 punt grot also als dan er bryf uswysset, wan se et myr ghelenet haet unde daz ist daz ghelt, daz sie myd eren soren arbeyde verdint haet, darumme so ghevet er dat ghelt weder unde wan ir dat ghelt betalt, so nemet den bryf tzo uch unde dont hir in dessen saken als ich uch dan wol to betrouwe, wan sie es myr in goeder vrontschaf ghelent had. Anders nycht dan doit daz besste, so wil ich ouch doen in allen iwen stucken. Ghegeven of den 21. dach in aprylle 1421 in Brugghe.

By myr Kornelies Veckinchussen, ur neve.

268. Tideman Brekelvelde (in Lübeck) an Hildebrand Veckinchusen in Brügge. – 1421 Mai 2.

Rev. St.-A. Orig. Adr.: An Hildebrant Veckinchusen to Brugge littera detur.

Vruntlike grote unde wes ik gudes vormach tovorne screven. Wetet, Hildebrant, gude vrunt, dat ik juwe breve wol vornomen hebbe, wo gy uns senden 88 ℔ unde 3 quartir syde. Got de sy ghelovet: se is to Hamborghe ghekomen. Mer ik wolde, dat gy er nicht ghekofft en hedden, wante ik en hebbe nicht 2½ ℔ syden vorkofft, sint dat gy van hir reden. Doch nu se kofft is, mot se kofft bliven. Got gheve, dat se gut sy.

Item, Hildebrant, so hebbe ik my vorrekent an der syden, de ik hir behelt. Alse ik ju overgaff in scrijfft, so hadde ik gherekent 51 ℔ min 1 lot syden to 4½ mark. Hir gaff ik ju de summa van over 200 unde 48 mark 5 sl. 9 ₰. Dit schelet 20 mark, dat et also vele nicht en komet, alse gy sulven wol reken moghen, aldus so sal ik 20 mark min hebben dan ik ju do overgaff.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 170. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_293.jpg&oldid=- (Version vom 31.7.2018)