Item dan emen noch ein cleyne vasseler, den sal hey geven umme 3 marc Lub.
Item noch hebbe ick Kreuet gedan 1 wyten pels, den sal hey geven umme 3 marc.
Item dan emen noch 1 olde schyne van den putte.
Item dan emen noch 1 karallen paternoster van 9 loyt[WS 1], dat loyt sal hey geven umme 12 sl.
Item 1 hantfat van 4 pypen, weget bi 20 punde, dant punt 2 sl. Lub.
Item 1 blau kerel es to 1 quartyr van enem Yperschen laken, den sal hey umme 8 marc geven.
263. Jan Oestermann in Brügge an Hildebrand Veckinchusen in Köln. – 1421 März 15.
- Rev. St.-A. Orig. Adr.: An den erbaren man Hildebrant Vockinckhusen
in Kollen ofte woer hey es littera dandum.
Minen denst met gunst vorgescreven an mynen guden vrent. Hildebrant Vockinckhusen wet, dat gy my armen knecht qualyke gehandelt hebbet met den 30 ℔ gr., de gy van my hadden un in Brugge ummen trent Brugger market. Darvan heft Gerwin Marschede nicht mer van betalt daen 16 ℔ ende de 14 ℔ sin nu op 16 ℔ gr. gekomen vedder ut Prusen, de ic to Brugge betalen moste Gert van Mynden ende de hebbe ic vedder over gekoft, dar sal ende mout noch mer schade opkomen, dat my let is. Mer ic arme knecht en kans nicht gebetteren, ic bydde ju umme unssen heren Got, datt gy douen alze Got man alze gy gedaen hebben in vortyden ende helpet my ut dessen schaden. Wente her Wolter Oldach ende Peter van den Water hoert dat gelt to; se wilt geinen schaden hebben, se hadden my gescreven, dat ic er gelt seker luden douen solde. Leyve gude vreint, hirvan juwe gude antworde alze ic ju to betrouwe ende douet alze gy in vortyden gedaen hebbet, dat bidde ic ju ende kaen ju nicht sere helpen ende et mach my vol ut lede helpen, buten ju grot schade. Dyt wylt nicht laten umme Godes wyllen, antworde by dessen boden. Hirmede gude nacht. Gescreven to Brugge 6 dage vor sunte Benedictus daghe int jar 21.
264. Tideman Brekelvelde (in Lübeck) an Hildebrand Veckinchusen in Brügge. – 1421 April 3.
- Rev. St.-A. Orig. Adr.: An Hildebrand Veckinchusen to Brugge littera detur.
Vruntlike grote tovorne screven. Wetet, Hildebrant, gude vrunt, dat Margrete dallink to my quam mit deme ghesellen, de van ju solde hat hebben 26 ℔ grote, de Enghelbert Veckinchusen op ju overkofft hadde. Desse 26 ℔ grote en konde Margrete nicht betalen, aldus so let de gheselle dat ghelt weder overghan unde sal dar 27 ℔ grote betalen 14 daghe na deme breve,
Anmerkungen (Wikisource)
- ↑ Korrigiert nach Berichtigungen
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 290. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_290.jpg&oldid=- (Version vom 31.7.2018)
