Seite:Briefwechsel Hildebrand Veckinchusen 262.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

239. Johan van dem Bokele aus Dortmund an Hildebrand Veckinchusen in Brügge. – 1420 April 13.

Rev. St.-A. Orig. Pap. in 2 gleichlautenden Exemplaren. Adr.: Hildebrand Veckinchusen tho Brughe. Von H. V. Hand: 1420, 4 in meye.

Mynen denst in al dat ich gudes vermach, leyve om Hildebrand, also gy my vake gescreven hebben, dat ich solde Corde uter Olpe juwe gelt met rechte afmanen, dat en mach hir nicht sin, dar wetet ju na to richten. Est sake dat ju juwe gelt nicht en wert, dat mote gy dar buten manen of gy moten enen machtich maken, dey hir nicht to borgerrechte en sitte, ok so moge gy en wol to Collen laten laden met den geystlichen rechte, so moet he ju in 15 dagen antworden. Provet selven dat beste. God sy myt ju. Ghescreven 6 dage na paschen anno 20 in Dorpmunde; gebeydz over my.

Vort so hebbe ich Marschede gescreven, dat he myn kleder, poppir und retschap mede to Andorpen in den mart sende, wante ich nicht en wet, wan ic van hir kan und ok woe et dar stan welle. God vorsey dat beste.

J. van den B(okel).

240. Sivert van der Capellen an Hildebrand Veckinchusen in Brügge. – 1420 April 14.

Rev. St.-A. Orig. Pap. Adr.: An Hylbrant Vickenchu^essen to Bruck. Darunter von H. V. Hand: untfangen dey karallen by Einghelbracht Veckinchusen, dey hey to Berghen untfench.

Vruntliche groisse vorghescreven, wyst, leyf ju^enker Hylbrant as van dem cralle, dat ir mynme junker sant, dat qu^eam tzo speyt in de mys, so dat hey nycht krygen in ku^ent. Vort so wyst, dat uch dat cralle weder ku^emt und Heinrich Benchelrod, de het myt sych zo Berch gevort und sal uch senden van Berch zo Bru^eck und is myt dem merket und myt roit loysch gewunden. Got sy myt uns allen op de seyt. Gheschreven des su^endach na paissen, do men schreyf 20 jar.

Item so wyst, dat de breyf, de ir van Bruck gesant hat, de lesten breif, de het hey noch neyt, der man wart syner vaste bys dat hey komt. (Der Schluß von wenigen Worten ganz unleserlich.)

by Syvart van der Capellen.

241. Gerwin Marschede (in Danzig) an Hildebrand Veckinchusen in Brügge. – 1420 April 17.

Rev. St.-A. Orig. Adr.: An den erbaren man Hildebrant Veckinchu^esen to Bru^egge littera detur. In dorso von der Hand des Empfängers: 1420, 17 in meye.

Vru^entlike grote tovoren. Wetet leve Hildebrant, dat ik ju^ewe Aresche vorkoft hebbe op pingesten^[1] to betalen, dat stu^ecke vor 5½ mark ½ frd.,

↑ 26. Mai.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 139. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_262.jpg&oldid=- (Version vom 31.7.2018)

[1] 26. Mai.

[1]