Seite:Briefwechsel Hildebrand Veckinchusen 251.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Wilhelm Stieda (Hrsg.): Briefwechsel Hildebrand Veckinchusen

gesat und hevet des gelyken Toemas Veckinchu^osen gescreven. Herumme, leve swaeger, so raemet des beste herby, als ik ju^o to beloeve, want ik daer groeten erbeyt und vaere mynes lyves umme staen hebbe und noch moete. Aldu^os steyt alle dync an ju^o und heb dar to ju^o gelaeten, als ik oen gesacht hebbe und wylen wol doen und scryvet Gerwen eyn antwert und Toemas ju^owen willen, wes ju^o heran gu^oetdu^onket. Und herop hevet my Gerwen vort gesant to der Ryge und hevet my perde und tergelt gedaen. Got geve beholden reyse. Hermede gueden nacht. Gescreven des du^onredages na su^onte Dorttyen dach to Danske 1420.

Phylyppus Spaermaker.

Item so scryvet my to Danske tegen der wedderreyse, waer ik dan tyeen sal; ik meyne van her ut to Vranckenort to tyeen up de mysse, scryve gy my anders nicht, kan ik dar to wege breggen, so mach ik dat doen eft gy daer wes senden.

230. Hildebrand Hoieman aus Lübeck an Hildebrand Veckinchusen in Brügge. – 1420 Febr. 12.

Rev. St.-A. Orig. Adr.: Dem erbaren manne Hildebrand Veckinchusen to Bru^ogge littera detur. In dorso von der Hand des Empfängers: hirvan betalt 10 ℔ to Lubeke Johannes Hilghert, to Brugge betalt Willem van Kalven 21 ℔ 11½ sl., dat Hoyman opnomen hadde.

Minen denst to allen tyden. Wetet, leve Hildebrand Veckinchu^esen, dat my Arend Wachtendorp ghesproken hevet umme 30 ℔ groten, de ik in dem somer to juwer behoff upnam van Jacob Molner, dez my sere wu^ender hevet, dat se dar noch nicht betalt en sint. Leve Hildebrand, maket, dat ik dar nen vordret van en kryge, ik sy noch dat gelt tachter van Wicbolde van der Wyk van dem terling Alstedescher unde ik behovede to male wol geldez, dar denket ok op. Hirmede syt Ghode bevolen. Ju^owe hu^esvrowe unde ju^owe kinder sint al wol gesunt, Ghod hebbe dank. Gescreven 8 dage vor vastelavende anno 20.

Hildebrand Hoieman, Lubeke.

231. Gerwin Marschede in Danzig an Hildebrant Veckinchusen, Engelbrecht Veckinchusen und Johannes Marschede in Brügge. – 1420 Febr. 16.

Rev. St.-A. Orig. Pap. Adr.: An Hildebrant unde Engelbrecht Veckinchu^osen unde Hannes Marschede in Bru^egge.

Vru^entlike grote vorghescreven an mynen leven vru^ent Hildebrant Veckinchu^esen, weten sole gy, juwen breyff gescreven 3 weken na des hilligen

Krystes dage^[1], hebbe ik wol untfangen unde Fylippus Sporenmaker quam

↑ 1420 Januar 15.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 64. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_251.jpg&oldid=- (Version vom 31.7.2018)

[1] 1420 Januar 15.

[1]