to my und grotz my al dey selscap sere. Scriptum in die sancti Tomee apostolis anno 19.
226. Wilhelm Richardes aus Lübeck an Hildebrand Veckinchusen in Brügge. – 1420 Januar 21.
- Rev. St.-A. Orig. Pap. Adr.: An Hillebrant Vekkenhuss to Brugghe kome desse bref. Darunter von H. V. Hand: 1420, 9 in feberwarjo Wyllem Rychardes 153 marc Lub. darvan geven Kerstejan Beseler 10 ℔ gr., to twen tyden betalt noch 5 ℔ gr., betalt emen noch 7 ℔ gr.
Vruntlike grute vorescreven an mynen guden vrund Hillebrant Vekkinkhusen. Wetz alze ik nu eer screven hebbe, dat gi wol don unde geven Kersten Beselere 25 ℔ gr. van myner wegene alz van den 2000 schonewerkes 7 tymmer, dat gi wol weten dat ik dat solde had hebben to sunte Michaelis dage alze gi wol weten, do gi to Brugghe wart togen, dat gi my dat geld dar geven wolden. Hir was nymand, de my jenich geld geven wolde van juwer wegene, hirumme so dot wol und entrichtedet Kerstene alz 25 ℔ gr. Lopt dat werk mer ofte myn, dat wil wy altyd wol vinden. Ik wet nu sundergen nicht to scrivende uppe desse tid sunder bedz to my[WS 1]. Screven to Lubeke in dem dage Agnete virginis.
227. Johan van dem Bokele aus Dortmund an Hildebrand Veckinchusen in Brügge. – 1420 Janr. 29.
- Rev. St.-A. Orig. Pap. Adr.: Hildebrand Veckinchuse to Brucghe.
Vrentlike grote vorscreven leyve om Hildebrand Veckinchusen wetet, dat Philippus Sporemaker by my was und wanderde vort an ten hilghen blode wort op ten ersten gudenstach na sunte Agnetten. Ich dede em 10 Rinsche gulden 3 ore to teringhe van juwer wegen, also gy my screven wante wy en konden van Konrad uter Olpe geyn gelt ghekrygen. Ok so en wiste wy nicht effen wan Ludewich met den machtbreyve komen mochte, ok wante my duchte dat to den saken, de gy to werven denken ostwart neyn togheringe en borde noch arbeyt ghespart en dochte unde hir de Bungner nicht heym en was noch geyn bode, de my ter reyse nutte duchte, deghelike te werven na der anwisinghe Godes, so reyt ich vor dat beste unde nutteste al umme, dat Philippus vorscreven de reyse an sich nam, dar he doch unvredich ju was en hedde ghedan, dat ich hope, ich wel juwer mechtich aldus sin est sake dat God bate unde wynninghe vorleynd, so sal Philippus vorscreven darvan vor sin angest und arbeyt de 10den denar hebben. Hir mede wort he tovreden unde hopede, dat gy em den theynden pennink also vorscreven is wol gunnen solden. Also vere als God bate und wynninghe
vorleynde, God gheve uns allen dat nutte sy ter seylen salicheyt amen.
Anmerkungen (Wikisource)
- ↑ Korrigiert nach Berichtigungen
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 249. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_249.jpg&oldid=- (Version vom 31.7.2018)
