|
Wilhelm Stieda (Hrsg.): Briefwechsel Hildebrand Veckinchusen |
|
|
dey herinne es; dey mannebreyf es in andere breyve ein[1]. Item Grete wyf, so bin ick schuldych Gherwin Ommedenberch op sunte Johennesdach 217 marc 6½ marc[2] hir van dessen ghelde lat emen geven 100 marc Lub. Item so bin ick Borghert van Hildensen 198 marc 8 sl. 6 ₰, dem lat ok gheven 100 marc Lub.
Item so bin ick Arnt Sallefyen schuldich op sunte Jacopes dach 330 m. 2 sl. Lub. Deme lat emen ok Boden van Stechen gheven 100 m. Lub.
Item so lat gheven Bertolt Herentreye ok 100 m. Lub. unde lat gheven Hinrych op Morde myt den ersten 50 m. Lub. Item so lat gheven Jacop Gherchgouwen ok 100 m. Lub. unde vort so segghe em allen, woy ick in korten dar wyl sin unde elk manne wol entrychten, welt God. To Aken wyl ick sin unde van dar vort derwart in den namen Godes. Hirmede so moyte dy God bewaren myt allen unsen kindern unde vrenden amen. Gescreven in Bruck 1419 in Brugge.
217. Eine Vollmacht Hildebrand Veckinchusens in Sachen der Angelegenheit mit dem römischen König. – 1419 Juli 10.
- Rev. St.-A. Abschrift. Das Stück stimmt in der Handschrift genau überein mit dem Briefe Meister Goswins an Hildebr. Veckinchusen und ist vermutlich die Abschrift jenes Schriftstückes, das Meister Goswin in der Lade fand und für Veckinchusen abschrieb.
Int joer 1419, 10 in julio do stelde ick in myne stede keghen Albrecht Hoppen my to vorantworden Johannes Marschede Enghelbrecht Veckinchusen, so wes my tokomen mochte van des breyves weghen, dar Albrecht Hop noch op tachter zyn mochte, so wes my darvan borde noch uyttoleghen van rechtes weghen, dar solden se dat vor my uytleghen op dat my borde mer uyttoleghen boven de 132 ℔ 5 sl. gr. aldes gheldes, dey ick alrede uytgeleghen hebbe. Unde vort so make ik sey mectich also my boren sal dat ghelt wedder to untfanghen van welken wech dat komen sal van rechtes weghen, dat sey don syn to untfanghen mechtich von myner weghen dey 132 ℔ 5 sl. also vorscreven ys to myner behoeff.
218. Hildebrand Veckinchusen in Brügge hält mit Hildebrand Hoieman Abrechnung. – 1419 Aug. 14.
- Rev. St.-A. Orig. Pap., 2 große Quartblätter, von H. V.s Hand beschrieben; auf dem 2. Blatte steht am Rande: int jar 1419 in Bruge. Die Hausmarke auf dem zweiten Blatte ist die H. V.’s.
: Briefwechsel Hildebrand Veckinchusen. Leipzig: S. Hirzel, 1921, Seite 53. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_240.jpg&oldid=- (Version vom 31.7.2018)
