Seite:Briefwechsel Hildebrand Veckinchusen 215.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Wilhelm Stieda (Hrsg.): Briefwechsel Hildebrand Veckinchusen

192. Sivert Veckinchusen aus Köln an seinen Bruder Hildebrand Veckinchusen in Lübeck. – 1418 Octbr. 30.

Rev. St.-A. Orig. Pap. Adr.: An Hyldebrand Veckynchusen to Lubeke.

Wetet leyve broder dat my nu desse breyf quam van Spru^ontehower, dar moge gy ju^o duncken to Bru^ogge ward op scryven met den eyrsten, wand ic hebbe nicht dar op weder screven unde ju^owe vysch noch werk wel nicht van der hand umme reyt gelt; wy geven gernen dat schonwerk to 82 gulden unde den rakelvysch to 27 gulden unde den lotvysch to 33 gulden unde hyr wel neymand an unde ic kan nicht van hyr, er ic myn schult betalt hebbe. Ic dede gerne schaden op elke 100 gulden 8 eder 10 gulden, wend to paschen, ic kan hyr nicht ankomen unde wet, woe ic em doen sal unde est, dat ic nu to Lubeke nicht komen kan, so mochtet my wol vele schaden, dat Got vorbeyde unde gy meynen, al ic en welle umme ju^owen wyllen nicht doen unde Got wet wol woe bange my sulven werd met vele dyngen. Got betert al umme. Tydeman Swartte ryt to Dorpmunde ward unde wel vor in Bergermard; ic wet ju wat mer scryven, men doet in al dat beste unde grotet al vrunt. Ghescreven 2 dage na sunte Symon unde Ju^oden dage anno 18 jar.

Zyverd Veckynchusen, Kolnne.

193. Sivert Veckinchusen aus Köln an seinen Bruder Hildebrand Veckinchusen in Lübeck. – 1418 Novbr. 1.

Rev. St.-A. Orig. Pap. Adr.: An Hyldebrand Veckynchu^osen to Lubeke littera detur.

Wetet leyve broder Gerlach Stalman dey vorman myt den 6 stro wasses unde 4 stucke vysches, Got danc, hyr wol komen es unde dey loben hedden best to Francvord ghewesen half wassen unde lotvysch were best hyr ghewesen, doch hyr es neyn losynge van stocvysche, wand men kan neyn gud den Ryn op voren umme unveylycheyt willen, dat was wel hyr ok nicht wol van der hand unde dat was sal to Bru^ogge nicht vele mer dan 40 m. gelden. Unde dat werk wel hyr nicht 80 gulden reyt gelt gelden. Item ic hebbe to Francvord an unsen weyrd screven, dat hey Johan Pallander des besten helppen sol unde Got geve dat gy vele an den vysche wynnen moten unde were ic to Francvord unde hyr nicht schuldych, ic en hedde nummer umme vysch, noch ander dync ghescreven. Unde gy nemen al vor ovel wat ic scryve eder doe unde gy welt ju rychten na mynen dyngen unde meynen al ic wete grot profyt unde gunne ju des profytes nicht mede. Des wundert my, wand ic my na juwen schulden to Bru^ogge rychten wolde unde kopen darop gud und sendet to Bru^ogge, dar solde ic lancsam myn schult to Venedyen unde to Francvord unde hyr mede betalen sunder groten schaden. Ic love wol gy seget gernne gud unde ic meyne dat ic dat nicht gernne arch seyn solde. Unser beyder meynynge mach wol gud syn, doch so dreget unser beyder syn nicht over eyn. Ic wolde, dat ic myn schult al umme wol betalt hedde unde ic in eynen jare nummer gu^od kopen solde unde ic were gerne to Lubeke,

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 215. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_215.jpg&oldid=- (Version vom 31.7.2018)