Seite:Briefwechsel Hildebrand Veckinchusen 212.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Wilhelm Stieda (Hrsg.): Briefwechsel Hildebrand Veckinchusen

186. Sivert Veckinchusen aus Köln an seinen Bruder Hildebrand Veckinchusen in Lübeck. – 1418 Aug. 3.

Rev. St.-A. Orig. Pap. Adr.: An Hyldebrand Veckynchusen to Lubeke littera detur.

Wetet leyve broder, dat ic ju bydde, dat gy bestellen, dat al ju wessel to Francvord wol betalt unde utrychtet werde, wand ic my darvan nicht underwynden kan noch en wel, est, dat gy my neyn gelt eder gud dar senden, dat ic en van betalen kan. Unde ok mochtet vallen, dat ic to Francvord nicht komen moste, darumme rychtet darna. Unde ok hebbe ic ny eymandes van Tu^ollen to Francvord vornomen, unde ok staden dey van Francvord in dey mysse nummende to kummerne unde seyt ok, woe gy wandern to Francvord ward, dat steyt al umme ovele und es ju sunderlyngen sorchlyc to wandern. Unde ic vru^ochte Lysekens crancheyt welle nicht lange waren unde sorge, dat sey et nicht lange leiden konne. Got vorsey unser aller beste. Ic sy in groten wemode unde sorgen unde my ward ny also bange. Got mach dat noch al umme gud maken, dey hevet des wol macht. Ic kan ju nicht vele scryven op desse tyt men grotet al vrunt sunderlyngen myn suster unde juwere kynder. Ghescreven 2 dage na sunte Peters dage Vyncke anno 18 jar.

Zyverd Veckynchusen, Kolnne.

187. Sivert Veckinchusen aus Köln an seinen Bruder Hildebrand Veckinchusen in Lübeck. – 1418 Aug. 7.

Rev. St.-A. Orig. Pap. Adr.: An Hyldebrand Veckynchu^esen to Lubeke littera detur.

Wetet leyve broder, dat ic vru^ochte dat ic in dey mysse to Francvord nicht komen kan umme vele sake wyllen. Darumme vorlatet ju nicht op my eynych gelt eder eynych ander dync vor ju ut to rychten unde bestellet juwe dync, dat et al umme wol vorwart werde, des es not. Unde dat werk sal ok nicht vele gelden na dem dat men to Venedyen nicht voren mach unde ok moge gy neymande to Francvord bekummern unde ic hebbe darvan den van Tu^ollen nicht er vornomen. Ic wel ju hyr nest al rekenschap scryven unde gy solen my noch gelt schuldych blyven, wan ic Cryspyn dey 100 gulden betalen. Unde my wondert, dat gy van 300 gulden scryven na dem dat gy wol rechen mogen, dat des nicht en es. Grotet myn suster unde al vrunt unde beydet over my. Ghescreven 6 dage na sunte Peters dage Vyncula anno 18 jar.

Zyverd Veckynchusen Kolnne.

Gevet Hyldebrand Hoeyman synen breyf.

188. Sivert Veckinchusen zieht einen Wechsel auf seinen Bruder Hildebrand. – 1418 Septbr. 9.

Rev. St.-A. Orig. Pap. Adr.: Hyldebrand Veckynchusen to Lubeke littera detur.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 212. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_212.jpg&oldid=- (Version vom 31.7.2018)