Seite:Briefwechsel Hildebrand Veckinchusen 207.jpg

	Wilhelm Stieda (Hrsg.): Briefwechsel Hildebrand Veckinchusen

Doet dat beste unde brenget my in neynen schaden mer unde grotet al vrunt. Ghescreven 14 dage na pynxsten anno 18 jar. Vorsoket ok ander vrunt.

Zyverd Veckynchusen Kolnne.

Item broder ic scref ju unde segede ju over 2 jaren, dat eyn man syne negesten vrunt nummer vorderven solde ofte eynen manne noet an lyggen worde, dat Got vorbeyde, dat eyn man dan doch eynygen trost hebben mochte. Latet ju duncken, dat ic nicht umme iu^ewen wyllen doen kunne noch doen welle unde bru^eket ander vrunt also gy best kunnen, ic kann nicht bet na dat myn sake noch gelegen syn. Got voget al umme to den besten to ewycheyt amen.

181. Bruchstück eines Briefes von Hildebrand Veckinchusen in Brügge an Johannes Swarte in London. – 1418 Mai 2.

Rev. St.-A. Orig. Adr.: An Johannes Swarten to Lunden lyttera detur. Ein Stück abgerissen. In dorso: Dyt ghelt wort to Lunden nicht betalt unde dey wesselle quam wedder over. Darvan gaf ick Fylyppe Johan hir 60 ℔ 4 sl. gr. Dey erste wesselbreyf en hebbe ick nicht, den sal hey my noch senden.

Johannes neve wete, dat ick hir hebbe nommen van Fylyppe Johan … Lunden wedder ut to gheven. Hirumme so bydde ick dy dat du wol deyst … to geven Allacksander Forentyn, wysser des breyves 10 daghe … hebben unde ick wel dy int kort wol scryven, wor du dyt ghelt … mbart mede betalen salt. Unde ick hope dy sole wat gudes van myr wegen … betalen salt. Were des ok nicht, so wyl ick dar doch wol vorwaren … sal werden dat du den Lumbart mede betales ut Prusen so meyne … komen ofte ick wyl dy van hir wat senden wer dyt ok nicht ein … gheldes wedder op my kopen. Ick welt wol untrychten, efte God wyl … unde ges sey so mest ghelden wyl unde vort so hebbe ic dyne rekenschop … ghelt van borghen. Anders so weyt ick dy sunderlinghen nicht to scryven … Gescreven 2 daghe in meye 1418 in Brugge.

By my Hildebrant Veckinchusen.

… Tydeman seghet, dey scryvet dy ok, dat du hirinne salt des besten ramen.

182. Hans Swarte aus London(?) an Hildebrand Veckinchusen in Brügge. – 1418 Juni 4.

Rev. St.-A. Orig. Pap. Adr.: Dem erbaren man Hildebrant Wotkinchusen to Brugge littera detur. Von H. V.s Hand: 15 in junejus.

Salutem etc. Tovor^[1] ju geleyve to weten Hildebrand om, dat ich in lank gen bref noch tydynge van ju had en hebbe. Vord so wetet als gy my

---

1. Schwer leserlich.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 20. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_207.jpg&oldid=- (Version vom 31.7.2018)