Seite:Briefwechsel Hildebrand Veckinchusen 206.jpg

	Wilhelm Stieda (Hrsg.): Briefwechsel Hildebrand Veckinchusen

Veckinchu^esen unde myn broder to Bru^egge op borden van ju^ewer wegen, de summa es 425 mark.

Item so wetet, dat ik ju^e sende in Clawes Worme 1 tunne botters, de hort ju^e to, unde was in Wolter van Essen; unde se stet to ungelde op dat nie 3 schill.

Item so sende ik ju^e noch in Worme 1 stu^ecke wasses, dat weget 33½ lyspunt myn 2 markpunt; item in Johan Stalberge 1 stu^ecke, dat weget 35 ℔; elk scheppunt stet myt allen ungelde myt int schep 47 mark, summa van dessen twen stu^ecken wasses myt dendren schillingen van der botter: 185 mark 14½ schill.

Item so sende ik ju^e noch in Stalberge in Johannes van der Borch in sinen stro wasses ½ scheppunt wasses, dat stet myt ungelt myt int schep 22½ mark 11 schill. Dyt halve scheppunt wasses es an 1 stu^ecke wasses dat wecht 1 schippunt, dat hort Johannes van der Borch halff to. Wat dat vorkoft es, so deylet dat gelt. Anders nicht den Got sy myt ju^e. Gescreven 3 weken na paschen 1400 int 18 jar.

Item Hildebrant ju^ewe terlink Walmesche in Gildemeyster, de 2 slachdoeke sint mestel al vorrotet unde 1 van den togestekenen laken, den anderen sal nicht vele schaden. Item de Herentalsche sint nedden, also se gestan hebben, nat worden, de kannepu^eas es al ave unde de slachdoek es fu^el. Men ik meyne den laken sal nicht schaden, en kan ik er in 4 dagen ofte in 8 vorkopen, so wel ik se opslan und don dat andere slachdoek und kannepu^eas to.

Gerwin Marschede.

180. Sivert Veckinchusen aus Köln an seinen Bruder Hildebrand Veckinchusen in Brügge. – 1418 Mai 1.

Rev. St.-A. Orig. Pap. Adr.: An Hyldebrand Veckynchusen to Bru^egge littera detur. Darunter von H. V.s Hand: 1418, 15 in meye op pinxsten dage^[1].

Wetet broder dat ic juwe breyve wol vornomen hebbe dar Vyncken breyf bynnen was unde ic wel, noch en kan ju op desse tyt nicht doen noch helppen unde Got geve dat ic my sulven wol helppen kunne des were my wol noet unde ic hebbe ju lange beden, dat gy ju nicht to hoge beslogen unde were my ok gud ghewesen unde ic hebbe ju erseget, dat es beter eyn beholden dan 2 vordorven. Got beholde uns al umme to syne deynste unde ic meyne al juwe dync sole ju to Andorpen komen, sunder 2 sak eyngevers, dey moten hyr vorkoft syn ju^ewe leste 200 gulden dem Spinnel^[2] mede to betalen. Unde my wundert, dat gy al gelt op my overkopen also vele ic ju scryve, dat ic des nicht betalen kan unde ok neyn gelt van iuwer wegen hebbe unde wan gy my al vordorven, so hadde gy also vele dey myn trostes.

---

1. Das auf der Rückseite von H. V.s Hand vermerkte Datum läßt sich mit der Datierung des Briefes nur dann in Zusammenhang bringen, wenn man annimmt, daß der Briefschreiber statt 14 Tage vor pynxten 14 dage na pynxten geschrieben hat.
2. Schwer leserlich.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 19. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_206.jpg&oldid=- (Version vom 31.7.2018)