Wikisource

Seite:Briefwechsel Hildebrand Veckinchusen 187.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Wilhelm Stieda (Hrsg.): Briefwechsel Hildebrand Veckinchusen

hebben unde wat my werden kan. Item so wel ik jue nue noch senden to Flandern wart in Mychgele van Gueleke an werke op en 90 mark. Dat nam ik an 2 Yperschen. Wes ik jue gesant hebbe, dat vinde gy, ofte Got wil, wol in andern bryven. Got vorlene beholden reyse.

Item so sante ik jue to Lubeke wart in Hellemych Lanttmanne 30 mark lodych unde by Hinryk Terentine 12 mark lodych. Dat erste dat my Got umme mer geldes beret, so wel ik jue mer senden. De Trechtesche sint noch den mestendel al unvorkoft. Wueste gi eynich provit mede bet to doende, ik wolde er jue noch gerne 1 terlink senden vor dat selve gelt ofte myn, dar ik se vorgegeven hebbe. Ik wel gerne des besten proven, dat ik kan, war ik es macht hebbe sunder vele scryves. De kopenscop enes hir nue nicht alzo in vortyden, alzo gy lychte ok wol horen mogen van anderen lueden. Got sy myt jue. Gebeydet over my. Gescreven myt der hast op sunte Margreyten dach.

Gerwin Marschede.


168. Tideman Brekelvelde (in Lübeck) an Hildebrand Veckinchusen in Brügge. – 1417 Juli 15.

Rev. St.-A. Orig. Adr.: An Hildebrand Veckinchusen to Brugge littera detur.

Vruntlike grote tovorne screven. Wetet, Hildebrant, dat ik in juwe breve wol vornomen hebbe, de ghescreven was op sunte Peter unde Pauels avent,[1] wo dar noch neine syde komen en were, des so wetet, dat ik ghisteren vorkoffte twen vrowen by 16½ ℔ syden aldus so hebbe wy noch unvorkofft by 11 ℔ syden unde dan noch 1 ℔ van den kortten haspen. Ik meine, dat ik se in desser tokomene wecken al vorkopen sole. Got geve, dat wy anders al wol betalt moten werden. Item, Hildebrant, weset dar na, dat gy uns syden kopen, so gy mest kunnen unde kopet uns guden kop, izet to borghe off ume ret ghelt. Weret, dat gy guden kop hebben kunden ume gheret ghelt, so nemet dat ghelt dar op hir to betalene; ik welt, off Got wel, wol betalen. Ik wet wol, dat dar nu gut kop paijementes is, hirine ramet des besten. De leste pak(!) syde en was nerghen na so gut, alse de ander al was. Item, Hildebrant, my vorwundert tomale sere, dat gy my van dar nicht en screven, wo unse dink dar stet; al en hebbe gy neine rekenscop van deme kopper, so moge gy et nochtant vorslan op en luttik na, wovele dat darvan gheworden is. Seker et dunket my en wunderlik dink wesen, dat gy my so lancksem scriven underschet van unsen dinggen.

Item alse gy scriven, dat ju gut dunke, dat wy en deels gheldes ut unser selscop nemen, Hildebrant, dat dunket my ok gut wesen. Alse gy herkomen, so welle wy alle dink overreken. Wovele dat wy dan to rade werden, dat wy dar ut nemen, dat sal my leff sin. Mer maket dat umer also, dat wy en summa (!) van syden krighen, iz et to borge off ume ret ghelt, dat wy jo guden kop krighen unde also guden kop tughen moghen alse

  1. ↑ 28. Juni.
Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 116. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_187.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_187.jpg&oldid=3224541“