|
Wilhelm Stieda (Hrsg.): Briefwechsel Hildebrand Veckinchusen |
|
|
dat andere Ungersch werk achter open dat ander packinge. Elk 1000 stet 38 mark. Dyt sende ik jue op de Trechtesche laken. Item in desser tunne hevet myn broder 1 otter, darinne 1 stucke noch 26 marten. Item so hevet Goswin Buesschove hyr 3 timmer marten inne. Item Hannes Eggebrecht 1 otter, dar hevet he ander dink inne. Antwert deme de jue darna vraget.
Item so sende ik jue in Evert Soltruempes tunne in Cleys Bruen 11 timmer hermelen, dat timmer stet 4 marc 1 ferd., 21 timmer gancwerkz, elk timmer stet 7 ferd., 2 timmer schon werkes, stan beyde 7 marc.
Item in Tydeman Wyer 7 tunnen botteren, de tunne stet 1 cleine myn den 5 mark. Desse hermelen werk, botter nam ik vor Ypersche. Der Yperschen es noch 6 unvorkoft. De lank van Tynen sint noch al unvorkoft. Ik kan nicht myt willen vorkopen, anders nicht den Got sy myt jue, Gescreven 3 weken na pingesten 1417.
164. Gerwin Marschede (in Danzig) an Hildebrand Veckinchusen in Brügge. – 1417 Juni 24.
- Rev. St.-A. Orig. Adr.: An den erbaren man Hildebrant Veckinchusen to Bruegge littera detur.
In dorso von der Hand des Empfängers: Item vorkoft dat stucke wasses Loye van Kasselle; dat woych al 2 wagen 17½ naghel blyvendes. Hirop so hebbe ick utfangen ter borssen op der wesselle 44 ₰ von 38½ gr. unde 3 nobbelen van 7½ sl., dey summa hirvan es 8 ℔ 44 gr.
Vruentlike grote vorgescreven an mynen leven vrunt. Hildebrand Veckinchusen weten sole gi, dat ik jue sende in Clawes Worme 1 tunne, dar es inne 6000 werkes, 3000 unde by 6 timmer reyne werk, dat ander es Ungersch werk achter open unde packinge; elk 1000 stet 38 mark. Item de tunne stet 1 mark to persen, dregen to schepen 14 sl., to puntgelde 16 schot, summa in al hirvan es myt ungelde 230 mark myn 6 schill.
Item so sende ik jue in Evert Soltruempes tunne in Cleys Bruen 11 timmer hermelen; elk tymmer stet 4 mark 1 frd., noch 21 timmer gancwerkez, elk timmer stet 7 frd., noch 2 timmer schones werkez, stan beyde 7 mark, to ungelde hirop 1 frd., summa hirvan 90 mark 3 frd.
Item so sende ik jue noch in Tydeman Witger 1 stuecke Tornessches wasses, weget 31 lyspunt 4 markpunt, dat scheppunt stet 51 mark to allen ungelde hirvan myt int schep ½ mark. Summa es hirvan tosamen 80 mark 11 sl.
Item noch sende ik jue in Tydeman Wytger 7 tunnen botteren, de stan myt allen ungelde myt int schep 34 mark. Summa in al dat ik jue nue sende to Flandern wart es 435 mark myn 10 schill.
Item so hebbe ik jue to Lubeke wart gesant nue op dat nie in Helmych Lantmanne by Hannes Stangen unde by Gert Beseler 30 mark lodych, elk mark stet 6½ mark; noch wel ik jue to Lubeke wart senden by Hinryk Terentine 12 mark lodych.
Item so hebbe ik juwen breyff ut Vogeler wol vorstan, alzo dat ik jue alle dink vorkopen unde wedder senden sal sunder suemen; ick hebbe myn
: Briefwechsel Hildebrand Veckinchusen. Leipzig: S. Hirzel, 1921, Seite 113. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_184.jpg&oldid=- (Version vom 31.7.2018)
