Wilhelm Stieda (Hrsg.): Briefwechsel Hildebrand Veckinchusen | |
|
guet, wan se op der duesteren halle stan, wan wy se vorkopen solen, so mote wy se in de suene setten, so sein de kopluede clar. Leive Hildebrant en nemet es in nein arch, dat ik jue dyt scryve, et es de warheyt, dat wet Got, dat ik jo by den juewen alzo gerne unde bet wolde doen, oftet myn egen were, men et es hir al vorkert vor dat et de lude plach to sin, hir en es nein gelt int lant, de lude sint beschattet unde sint arm, dat se nicht en kopen.
Item so sende ik jue in Clawes Worme 1 tunne, darinne 6000 werkz, elk 1000 stet 38 mark. Dyt sende ik jue op de Trechtessche. Item so wil ik jue senden in Tydeman Smerbarde 1 tunne, dar hebbe gi inne 11 timmer hermelen, 21 timmer gancwerkz, 2 timmer schones werkz. Noch denke ik jue to senden 7 tunnen botteren, kan ik se to schepe krygen. Dyt werk hermelen botter nam ik an Ypersschen. Got sy myt jue. Gescreven 16 dage na pingesten 1400 int 17 jar.
161. Eine von Hildebrand Veckinchusen aufgezeichnete Rechnungslegung zwischen ihm und seinem Bruder Sivert. – Brügge 1417 Juni 17.
- Rev. St.-A. Orig. Einige Blätter in Schmalfolio, nur theilweise beschrieben.
Item int erste so makede ick mynen broder Syverde over to Frankenvorde to untfanghen by Ghert van Ballegem 300 gulden, dar dey summe van was | 55 ℔ | gr. | |
Item so gaf ick Wyllem den Kuper vor 300 cronen | 68 ℔ | 15 sl. | gr. |
Item vor ½ swart laken | 2 „ | 3 „ | „ |
Item vor Tomasch laken | – „ | 31 „ | „ |
Item Clawes Hunenner | 18 „ | 4 „ | |
Item 7 ellen wandes | 24 „ | 5 „ | |
20 ellen myn 1 quartyr lakens stont | 2 „ | 10 „ | 2 „ |
Item by Slyper betalt | 2 „ | 2 „ | 6 „ |
Item by Hinrych van Torn 30 gulden | 4 „ | 2 „ | 6 „ |
Item vor ½ tunen boteren | – | 13 „ | – „ |
Item van Hinrych Tytten weghen | 7 „ | 12 „ | – „ |
Item vor 1 musse | 4 „ | 6 „ | |
Item vor rossinen fyghen | 11 „ | 2 „ | |
Item noch ollye kumpost | 7 „ | 2 „ | |
Item vor Kornneles | 3 „ | 15 „ | – „ |
Item noch van wande | – | 25 „ | 6 „ |
Item vor 10 ballen reysses | 13 „ | myn | 1 „ |
Item vor 1 grone Ypers laken | 29 „ | 10 „ | – „ |
Item van Swarten weghen 84 marc 4 sl. dey maken by punt groten | |||
Item van Tyten weghen 70 marc Lub. 4 sl. dey maken | |||
Item so nam Lysseken op my, dat ick gaf Lossekinge 50 gulden, dey maken | 7 „ | myn | 6 „ |
: Briefwechsel Hildebrand Veckinchusen. Leipzig: S. Hirzel, 1921, Seite 108. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_179.jpg&oldid=- (Version vom 31.7.2018)