Seite:Briefwechsel Hildebrand Veckinchusen 151.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

Van den Tomaschen weren 3 vorkofft, de hadde de worm alzo sere geten, dat se my wedder gheworpen worden. Item so wetet, dat na den vigen nemand en vraget; myt alle wolde ik er 4 tunnen vor 1 sl.^[1] gheven, van den besten, de nemen se wol. Von poppelen unde von troiniss und er is hir noch to male vele, de den Dutschen tohoren, beide to Nouverden und hir unverkofft. Hirumme hebbe ik sorghe, dar ghi dar klene bate ane solen hebben. Item alzo ghi my scriven umme stor, des wetet, dat ik es hir nicht bekomen en kan. Item so hebbe ik juwen breff wol vornomen bi Lubbert Travelmanne, alzo dat ik eme gheven sal gelt van juwer weghen alzo vor 45 ℔ 16 sl. und 8 groten, he wil rede gelt hebben und ik en wet nicht wor, dat ik et van maken sal. Wante sunder schaden to doende en kan ik gein gelt ghemaken, hirumme wunder des my, dat ghi dar gheven vor dat ℔ groten hir to betalen wante hir en kan neymand gein rede gelt ghemaken van neynerleye ware, alzo leff is dat gelt, nu de munte tostan. Ghi solen ju ℔ groten neuweliken oppe 4½ mark utbrenghen. Item so en vorneme ic noch geyne tidinge van Bocholte dar de 200 soltes inne wesen solen. God geve, dat he myt leve vort kome. Item so wetet, dat ik juwe laken to Darpte wort hebbe ghesant an Engelke Veckinchusen und dat beste darbi to doende und sol dar Lubberde gheven 50 Ryg. Anders en wet ik ju sonderlingen nicht to scriven, men vart wol myt Gode und ghebeidet over my und grotet myn susteken und de kinder und alle vrund sere. Ghescreven des sunnavendes vor sunte Michaele anno 1416 jar.

Hildebrand van dem Bokell.

128. Reynart Noiltgin (in Köln) an Hildebrant Vechinhusen in Brügge. – (1416) Okt. 15.

Rev. St.-A. Orig. Adr.: An den eirberen manne Hildebrant Wickinchusen to Brug.

In dorso von der Hand des Empfängers: 1416, 22 in october.

Mynen dyenst und wat ich goits vermach. Wist, Hildebrant Wickinchusen, gude vrunt, dat ich he hain legen fardel, de wil ich uch senden myt den eirsten, de ich kregen mach. So hette uns koiffludden al gern wol und bidten wast darna; ich hain in gesant, si soil balde komen. Hir provet dat beste in. Oich wil ich uch senden linen und kannefas myt den eirsten.

Und ich han noch zo verkopen bi zwentzich stu^ock graes van al unsen laken und ich hain bezalt uren broder 28 gulden myn 1 engels und ich hain uffergewist up Werner 13 gulden van minre wegen, do hie lest van heyn reyt. Anders heit ich uren broder dat gelt zomail gegeven; und ju stu^ock graes heb ich nu verkocht up winacht zo bezalen. By den anderen stuck wil ich doin dat beste na urs broders rait. Nicht me zo deser ziit dan Got sy myt uch. Gescreven des dunresdach na sent Gereonis dach.

By myr Reynart Neultgin.

↑ Auflösung des Zeichens: zweifelhaft, vielleicht Gulden.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 80. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_151.jpg&oldid=- (Version vom 31.7.2018)

[1] Auflösung des Zeichens: zweifelhaft, vielleicht Gulden.

[1]