Seite:Briefwechsel Hildebrand Veckinchusen 142.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

bleven 63 punt 8 sl. gr. Darna untfenge gy van wasse, dat Slyper und ic ju sanden to myme dele 45 ℔ 4 sl. und 5½ gr. Item gaf ju Boekel 50 gulden, summe 6 punt 17½ sl. Item untfenge gy 24 cronen van Hans van Mynden, summe 4 ℔ gr., item von Wyllem Dalhusen wasse 8 ℔ 12 sl. 3 gr.; item untfenge gy van lasten 7 ℔ 5 sl. gr.; item untfenge gy dat van myme huse van Lubeke ward 107 ℔ 16 sl. 3 gr.; item untfenge gy van Hans Hoensteyne 97 ℔ 15 sl. 9 gr., summe van al vorscreven 340 ℔ 19 sl. 2½ gr.

Hyrop hebbe gy weder vor my utgeven Gerd van Balgen 400 gulden, 45 ℔ gr.; item dem Ku^oper to Andorppen 400 cronen, 68 ℔ 15 sl. gr.; item vor allerleye cleyne porseylen summe 22 ℔ 16 sl. 11 gr.; item noch an cleynen porseylen allerleye 23 sl. 8 gr.; item vor Kornelys 3 ℔ 15 sl. gr.; item Lyseken vor gra wand 25 sl. 5 gr.; item vor rys 13 ℔ myn 1 gr. Summe van al weder utgeven 65 ℔ und hundert ℔ 15 sl. 11 gr. Aldus dat eyne tegen dat ander afslagen, so bleve gy my schuldych 175 punt 3 sl. und 3½ gr.

Item hyr tegen sy ic ju weder schuldych dat ju propper angeyt int eyrste van Tyten wegen 70 marc 4 sl. Lub.; item van der Swarten wegen 83 marc 3½ sl. Lub.; item vor 1 Ypersch laken 31½ marc, summe dat ic ju propper weder schuldych sy 183 marc 3½ sl. Lub. Dey reken ic op 30 ℔ gr., des sey gy my noch weder schuldych 4½ ℔ gr. van Johannes Woesten wegen. Aldus al dat eyne tegen dat ander afslagen, so duncket my, dat gy my hyr van schuldych bleven 150 ℔ 3 sl. 3½ gr.

Broder aldus hebbe ic ju desse rekenscap erscreven und sand und wet er nicht rechter na al mynen vyf synnen al solde ic ok morgen sterven, hebbe gy my van desser summe send, icht ghesand eder vor my utgeven, dat moge gy hyran afslaen unbegrepen altyt to guder rekenscap und ic hebbe in dyt poppyr also grot ghelaten op dat gy my in gudduncken und ghebrek mogen op dyt sulve poppyr weder scryven und senden to Andorppe eder hyr myt den eyrsten; es hyr icht inne dar ju icht an schelt, dat rekent ut und scryvet my ju ghebrek, kan ic ju dan nicht weder bescheden met scryven, so sette dat punt malk in syn boek also lange dat wy, ef Got wel, by eyn komen, so est ok beter dat wy umme eyn punt eder 3 eder 4 puntt schelen, dan wy al dey rekenscap in schelynge leyten staen. Wes gy meynen, dat gy my hyrvan und ok vord van der selscap wegen schuldych syn, dat staet my to op dat ander. Scryvet my juwe ghebrek op dat wy doch eyn del to eyme eynde mogen brengeh umme sterflyke und vele ander sake wyllen und op dat wy ok vortan mochten weten, war elk gherekend were. Ghescreven 5 dage vor pynxsten anno 16.

Zyverd Vockynchusen, Kolnne.

119. Gerwin Marschede in Danzig an Hildebrand Vechinhusen in Brügge – 1416 Juni 6.

Rev. St.-A. Orig. Adr.: Dem erbaren manne Hildebrand Vockinchusen to Bru^ogge detur littera. In dorso von der Hand des Empfängers: 1416, 6 in jullejus; untfanghen dat stucke sulvers by Johannes Marschede 16 in jullejus.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 71. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_142.jpg&oldid=- (Version vom 31.7.2018)