Seite:Briefwechsel Hildebrand Veckinchusen 139.jpg

	Wilhelm Stieda (Hrsg.): Briefwechsel Hildebrand Veckinchusen

unde gebedet over my, alse over juwen guden vrunt. Gescreven oppe sunte Jorgens dage in Kollen 1416 jar.

Werner Schere.

Item so wetet, Hyllebrant, dat des werx is, dat wy hir hebben, dat wy ju^o senden wellen by 3000 unde dat 1000 stet by 31 gulden overhovet unde ik mene, dat men it noch in 3 dagen laden sal.

115. Gerwin Marschede (in Danzig) an Hildebrand Veckinhusen in Brügge. – 1416 Mai 1.

Rev. St.-A. Orig. Adr.: Dem erbaren manne Hildebrant Veckinchusen to Bru^ogge detur littera.

Vrentlike grote vorgescreven. Wetet Hildebrant, gude vrent, wes ik ju^o sante in schepper Tolke, dat vinde gi wol in anderen breven. Vortmer so wil ic ju^o nu^o senden in Tewes Ludekensone unde Meyster Johan Gu^oskouwen, so ik meste mach. Ik kan dat gelt nicht krygen van den luden. Vor de laken hir es to male qu^oade betalinge, dat gy des nicht geloven. Ic hebbe ju^o 3000 werkz gekoft unde ok sulver, dat ic ju^o senden wil. Item umme de gulden, der hebbe wy gekoft mer den de helfte to 8 schoten und to marken unde ik meyne se wol vortan alzo to krygen. Hir es to male quade beweringe unde de lude stervet hir unde in dem lande to male ser; unde hir es du^or tyt. De tyt es nu^o to Dantzeke, dat ein arman wol gelt hevet, he kan dar neinen roggen noch brot vor krygen to kope. Unse leve here Got, de moete et drade wandelen myt sinen genaden; unde hir en es neine losinge van wande, wat et doen wil op den herwest, des wet ic nicht. Ik hebbe sorge ovel to stan, men Got mach et noch gu^ot maken. Was gelt hir 50 mark? Schonewerk es hir gegeven vor 95 mark, sal 10 mark, botter 8 mark unde nicht to krygen. Hir enkomet neimant ut Sweden, dar wil et ok ovel stan, als men uns seget. Got sy myt ju^o. Gescreven op meydach 1416.

Gerwin Marschede.

Item in Lyfflande stet et ok nicht wol. Dar moet noch neimant op to Nou^owerden varen by lyve unde by gu^ode; aldu^os secht men hir.

116. Reynart Noiltgin (in Köln) an Werner Scherer im Hause des Thomas Bone. – (1416) Mai 4(?).

Rev. St.-A. Orig. Adr.: An Werner Schere in her Thomas Bonen hu^os. In dorso von der Hand des Hildebrand Veckinchusen: 1416, 16 in meye, 2 ballen fystens. Hirvan betalt 14 sl. 8 groten. Item vorkoft by Kastelot Bussen 2 ballen fostens to 7 sl. untfanghen op dey wesselle to Peters Fyfoyden 15 ℔ 15 sl. unde van den clerk to Bottins 15 ℔ 10 sl. 6 groten blyvendes Hirvor gheven vor 5½ sintenner to 18½ wyten d. summa 14 sl. 8 groten. Summa blyvendes van dessen 2 ballen 30 ℔10 sl. 10 groten.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 68. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_139.jpg&oldid=- (Version vom 31.7.2018)