Seite:Briefwechsel Hildebrand Veckinchusen 113.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Wilhelm Stieda (Hrsg.): Briefwechsel Hildebrand Veckinchusen

wyl sey syk hirna den rychten, dat es my lef, wel sey ok nicht, so gevet desse sake to kennen mynem swagher Konrat Vysch unde mynem swagher her Tydeman van den Nyenloee unde mynem swagher Gotschalk Stalbyter. So wes dat den 3 gud unde redelyk dunket mytgaders ju beyden, dar wyl ic wol na werken in allen redelyken saken, ic wyl anders nicht begheren den rechtverdychheyt, ofte God wyl. Anders ein weyt ic ju nu wat mer to scryven op desse tyt mer God moyte ju wol bewaren unde alle unse vreynde to eywghen tyden amen. Ghescreven op sunte Peters dach ingande ouste 1413 in Brugge.

By my Hildebrant Veckinchusen.

Item so hadde ic dey 100 marc gherekent op 262 nobbelen, dat es nicht mer dan 241 nobbelen, dat es by ℔ gr. talle 86 ℔ 7 sl. 2 gr. Aldus so blyvet myn vrouwe 71 ℔ 13 sl. 11 gr.; op dessen syn hebbe ic ein alle bescheyt ghescreven.

94. Bode von Stochem an Hildebrand Veckinchusen in Brügge. – 1413 Aug. 20.

Rev. St.-A. Orig. Adr.: An Hyldebrant Vyckynhusen to Brugghe sal dusse breeff. H. Veck.’s Hand hat hinzugefügt: 1413, 18 in settember Bode van Stochem 52 marc myn 1 sl. Lub.

Vruntlyke grute tovoren und wat ik gudes vormach an mynen guden vrunt Hyldebrant Vyckinchu^osen. Wetet also ik ju lest rekenschop scref, do bleve gy my noch schuldych 52 marc myn 1 sl. Lub., gude vrunt dot wol und schicket my dyt gelt hir over, wente dat wert nu to su^onte Mycheles dage 2 jare, dat yk dat leste gelt scholde gehat hebben na utwysinghe juwer breve und doet my, also gy wolden dat ik ju don solde, hirvan en antworde; varet wol myt Gode. Gebedet over my. Gescreven des sundaghes vor sunte Bartolomeu^oe dag 1413.

Bode van Stockem.

95. Tideman Brekelvelde in Lübeck an Hildebrand Veckinchusen in Brügge. – 1413 Dez. 3.

Revaler St.-A. Orig. Adr.: An Hildebrant Veckinchusen to Brugge littera detur.

Vruntlike grote tovorne screven. Hildebrant, ju gheleve to wetene, dat ik ju by Pyrituy Aldutti ghescreven hebbe, wo vele dat van der eyrsten zyde gheworden is, alse se nu al betalt wert. Item so gheleve ju to wetene, dat ik van dessen lesten zyde vorkofft hebbe 18 ℔ dat ℔ vor 5 mark min 2 sl. alse ik ju ok alrede ghescreven hebbe. Item so vorkoffte ik gysteren 31 ℔ unde 3 lot, dat ℔ vor 5 mark min 6 sl. Hildebrant aldus vele hebben de 49 haspen gheweghen, de in der tunne weren, dar de sickeltun inne weren. Aldus – hebbe ik noch unvorkofft de 100

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 42. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_113.jpg&oldid=- (Version vom 31.7.2018)