Seite:Briefwechsel Hildebrand Veckinchusen 097.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Wilhelm Stieda (Hrsg.): Briefwechsel Hildebrand Veckinchusen

533 marc 5 sl. 4 ₰. Item sand mynen broder an gelde 183 marc 14 sl. 2 d. Item gaf ic Hynric van deme Sode vor was 603 marc 5 sl. Lub. Item Kastorppe 27 ℔ gr. to 6 marc 4 sl., summa 171 marc 14 sl. Item Arnd Flore 26 ℔ gr;., elk punt 6 marc 45 den, summa 162 marc 10 sl. 8 d. Item Hans Sommer 20 ℔, elk punt 6 marc 4 sl., summa 125 marc Lub. Item Hengestaken 15 ℔ gr., elk punt 6 marc 3½ sl. summa 93 marc 7 sl. Lub. Item Herman Hoppener 30 ℔ gr., elk punt 6 marc 3½ sl., summa 186 marc 9 sl. Lub. Item Krumvot 100 ℔ gr., elk punt gr. 6 marc 4 sl., summa 625 marc Lub. Item Hynric opme Orde 30 ℔ gr., elk punt gr. 6 marc 4 sl., summa 187½ marc Lub. Item Zergys Veckynchusen 7 ℔ gr., elk punt 6 marc 4 sl. 3 d., summa 43 m. 13 sl. 3 d. item Zergys op wederleggynge 40 nobelen summe 83 m. 12 sl. Lub. Item Hans Hoensteyne 18 ℔ gr., elk punt 6 m. 4 sl. 3 ₰, summa 112 marc 12½ sl. Lub. Item Dyryc Brunynchusen boven eynen terlync wandes 183 m. 6 sl. Lub. Item sande ic ju eyn perd stond 25 m. Lub. Item hebbe ic geven to punttolle und andern ungelde 20 m. Lub. op rekenscap. Item unbrak an der lake, dey Wyllem Pattynenmaker und uns horde, 12½ m. Lub. Item unbrak an den vygen 2½ m. Lub. Item sande ic by Langerbeyne 122 cronen, stonden 126 m. Lub. Item an 100 ℔ gr. ward vorlorn 6 m. 4 sl. L. summe van al weder utgeven 4603 marc Lub. 10 sl. 6 d. Aldus unbrak my doe, dat ic utgheleyt hadde 543 marc Lub., darvor screve gy my to 85 ℔ gr., darmede was dat slecht op dey tyt.

Das Zettelchen: Item also gy wol weten int 6. te jar, doe wy tohope rekenden to Bru^ogge, dat unse selschap also gud was 742 punt und 10 gr.; ut desser selscap hebbe ic in dey Venedyesche leget int eyrste 666 marc 10 sl. 8 d. und ic gaf vor 500 m. in der selscap Hans van Mynden 533 m. 5 sl. 4 d. Item darna ward in dey selscap leget to Lubeke 677 m. Item so hebbe gy Bodem van Stokam geven vo syn del 470 m. 2 sl. 8 ₰, summe dat an reyden gelde ut unser selscap met den gelde van Boden in dey Venedyesche selscap gheleget es overal 2700 m. Lub. dar by. Got geve, dat uns dat unse met leyve ut der selscap werden mote. Ic hadde hopet wy solden mer dan dey hellte darane wunnen hebben, hedde uns ok recht scheyn, ik hedde nicht dey helfte to wynnynge ghenomen. Got beterd, dat neyn truwe in der werlt es.

81. Sivert Veckinhusen in Köln an Hildebrand Veckinhusen in Brügge. – 1412 Oktbr. 21.

Rev. St.-A. Orig. Adr.: An Hyldebrand Veckynchusen to Brugge littera detur. Dazu von Hild. Veck.’s Hand bemerkt: 1412, 28 in october.

Broderlyke leyve vorscreven. Juwen breyf ghescreven 4 dage vor sunte Lucas dage^[1] hebbe ic wol vornomen, also dat gy neymande behoven dey vor ju blyve, dat et my leyf und behaget my wol, also wolde ic dat ic

↑ 14. Oktober.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 26. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_097.jpg&oldid=- (Version vom 31.7.2018)

[1] 14. Oktober.

[1]