|
Wilhelm Stieda (Hrsg.): Briefwechsel Hildebrand Veckinchusen |
|
|
75. Sivert Veckinchusen in Frankfurt an Hildebrand Veckinchusen in Brügge. — 1412 März 31.
- Rev. St.-A. Orig. Das Papier weist zum Zeichen der erledigten Schuld, von der es handelt, einen dreieckigen Einschnitt auf.
Broderlyke leyve vorscreven leyve broder gevet Johan dey Wapmaker van Mechelen 100 Rynsche gulden, darvor gevet eme 80 cronen in Bruggermard to dancke op dat was gelt. Ghescreven op den guden donnerdach 1412 jar.
76. Sivert Veckinchusen in Köln an Hildebrand Veckinchusen in Brügge. — 1412 Mai 29.
- Rev. St.-A. Orig. Adr.: An Hyldebrand Veckynchuosen to Brugge littera detur. Darunter von H. Veck.’s Hand: 1412, 4 in junejus.
Broderlyke leyve vorscreven juwen breyf by Osebornne hebbe ic wol vornomen, dat gy meynen dat ic met Hans van Mynden aldync slechtet hebbe. Ic hebbe neyn dync met eme slechtet men also syn rekenscop utwyset, dey hey ju overlanc sande, dar steyt dat noch uppe und ic hadde wol hopet gy solden my dey rekenscop lange clar screven hebben, wand ic hebbe ju vele screven, wat my an juwer rekenscop unbrak, gy hebben vele geldes afrekent und afslagen, dat my nicht tokomet.
Int eyrste hebbe ic myn dync aldus screven, dat ic ju propper schuldych sy also ju rekenscop ok utwyset int eyrste 166 mark 4 sl. und 2 den. Lub., des slae ic hir weder af 36 marc 10 sl. vor 18 marc Prusch, dey my nicht toquemen, so bleve ic ju net 139 marc 10 sl. 2 ₰.
Item sy ic ju noch vor 24 marc Prusch 50 marc Lub.
Item Salmesteyne es ghegeven van myner wegen, dat ju Hans van Mynden torekent hadde 216 marc Lub., summa van al 3 screven 395 marc 10 sl. 2 ₰.
Item sy ic ju noch dat ju propper angeyt, van Tyten wegen van Swartten wegen und vor 1 Ypersch laken, dar dey summe van es 188 marc myn 6 ₰.
Item sy ic ju 13 ℔ gr. van ryse, den gy my eyns sanden, dar ward nicht ane wunnen.
Item gy scryven, ic sy ju 46 ℔ gr. 4 sl. 9½ gr., dar schelt my ane 2 ℔ 18 sl. 3½ gr., dey gy my toscryven vor reyntte van Tyten selscop, dar hadde ic Tüten op geven op myn del 25 marc myn 1 fr. Ryges, bord my mer uttogeven, dat wel ic ju gernne wedergeven, ic meyne my bore nicht mer uttogeven.
Item ic sy ju op dat nye schuldych vor vastenspeyse 23 sl. 8 gr.
Item ic sy ju dat vorlus van den peper und van den wasse, dat rekent
van unser beyder selscop af und uns sal ef Got wel gelt inkomen van der Venedyeschen selscop, dar wy dey 800 gulden van betalen wellen in der mysse to Francvord bestellet, dat ju al dync ut Lyflande kome und van al umme dar wy wat hebben und betalt al unse schult und seyt dan, wat
: Briefwechsel Hildebrand Veckinchusen. Leipzig: S. Hirzel, 1921, Seite 16. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_087.jpg&oldid=- (Version vom 31.7.2018)
