Seite:Briefwechsel Hildebrand Veckinchusen 084.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Wilhelm Stieda (Hrsg.): Briefwechsel Hildebrand Veckinchusen

tachter ut der selschop. Doch wat gy hyran doen kunnen, dat doet al ut ju sulven und nicht, dat ic ju ergen van screven hebbe, dat sal noch, ef Got wel, al gud werden, dar twyvelt nicht ane uns sal, Got wel, unse hovetstol wol weder werden, al velt dat lancsam wy moten doen ofte wy also vele verlorn hedden. Vorkopet dat brysylyegenholt to borge op eyne tyt, so dorve gy dat nicht utgeven, ic wel des besten al umme ramen und hope dat sole al gud werden bynnen kord, ef Got wel, maket ju vrolych. Ghescreven op sunte Antonys dach 1412 jar.

Zyverd Vockynchusen, Kolnne.

Sendet my 1 gude lechelen synttryns olye met den eyrsten.

70. Sivert Veckinchusen in Köln an Hildebrand Veckinchusen in Brügge. — 1412 Jan. 20.

Rev. St.-A. Orig. Adr.: An Hyldebrand Veckynchu^osen Brugge. (Der Anfang scheint zu fehlen.)

Wetet dat Syverd van Kerppen und Johan Balke nicht to hus syn und ic vru^ochte, dat my neyn gelt werden kunne und ic hebbe Balken synen breyf to Dorpmunde sand, werd dat nicht betalt, so wet ic nicht woe, ic vru^ochte men mote dat weder overkopen darvorward ju ane. Item ic hebbe al breyve met Slyper overlesen und vord an sand und vele lude wellen nicht kennen dat ander lude ok arbeyt had hebben umme der selscop wyllen. Item ic hope dat sole beter van vallen met Peter Karbowen, dan et su^one es ghewesen, ic wet ju wat mer scryven men in allen dyngen ramet des besten to Lyflande und to Prusen und al umme. Wolde Got geve, dat wy unse gelt weder in handen kunden krygen, so wolde wy unse dync anders ansetten. Ghescreven op sunte Ancgneyten avent 1412 jar.

Zyverd Veckynchusen, Kolnne.

71. Eine Schuldverschreibung des Sivert Veckinchusen; Frankfurt a. M. 1412 zwischen dem 6. und 20. März.

Rev. St.-A. Orig. Auf der Rückseite hat H. Veck.’s Hand vermerkt: Ic hebbe hirop betalt by Jacop Haghelsten den jungen 94 cronen 2 gr. Item so hebbe ic emen betalt by Herbort Tusschen hundert Frankesche cronen. Item so hevet Johannes Lossekinch betalt Peter op sine 200 gulden 160 Frankesche cronen. Item so hebbe ic emen bewyst by Herman Crusen 8 ℔ gr. dey maken an cronen …^[1], hirto hebbe ic eme gheven 22 gr., aldus so hevet hey 300 cronen, dat es som cronen to 4 myten, som to 6 myten.

Ich Zyverd Vockynchusen bekenne dat ic nomen hebbe van Peter Blyterswyk 500 Rynsche gulden, darvor belove ic eme in Bruggermard

↑ im Original unausgefüllt geblieben.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 13. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_084.jpg&oldid=- (Version vom 31.7.2018)

[1] Original unausgefüllt geblieben.

[1]