Seite:Briefwechsel Hildebrand Veckinchusen 079.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Wilhelm Stieda (Hrsg.): Briefwechsel Hildebrand Veckinchusen

gu^od maken, dat wel also Ryge nicht togaen, also som lude meynen, ic gysse my to Kolnne to blyven, dat en werde noch anders.

Item dey 200 gulden solen van Slypers wegen wol betalt werden, ef Got wel. Nemet ummer van deme Lombarde eyne gude quyntyasye op dey 300 gulden. Item gy scryven dat ic in Kolnne blyve, dat dede ic gerne, wyste ic wey unse dync hyr int land doen wolden. Slyper hevet syk utschottet vor 1700 gulden und dat hevet alreyde mer dan 400 gulden kostet und ic wel, ef Got wel, morgen van hyr an mynen hern van Trere und hope hern und vrunde und God und recht to bru^oken op dat wy dey 1700 gulden nicht al solen utgeven und wel des besten alumme ramen na al myner macht. Vorkopet gy al gud, dat gy dar hebben und in dey Venedyesche selscop hord, al woe gy dat geven; al spysserye sal afslaen, dat es su^one. Item ic hebbe Kerstaen van Molnnen ghedaen 1 sak brysylienholt, weget 118 punt met dem sacke und hebbe Kerstaen beden to vorkopen ofte hey kan, est das nicht, so sal hey ju dat senden. Vorkopet al dat gy kunnen und grotet alle vrunt. Ghescreven 3 dage vor sunte Mertyn 1411 jar.

Zyverd Veckinychusen, Kolnne.

65. Sivert Veckinhusen in Köln an Hildebrand Veckinhusen in Brügge. — 1412 Jan. 5.

Rev. St.-A. Orig. Adr.: An Hyldebrand Veckynchu^osen to Brugge littera detur. Dazu von H. Veck.’s Hand: 15 stucke wases

.

Broderlyke leyve vorscreven also gy my Hans van Mynden rekenscop senden und scryven, ic sy in unse selschop schuldych 864 marc 11½ sl. Lub. Hyr schelt my ane also ic ju erscreven hebbe 264½ marc, dey Hans van Mynden van Boden van Stockam untfangen hevet und van deme naten terlync wandes 220 marc, dey gy my toscreven hadden und Hans van Mynden in juwe rekenscop brocht hevet. Item schelt my dar noch ane 36 marc 10 sl. van 18 marc Prusch dey my nicht tokomen, ic sal dey 36 marc 10 sl. weder hebben ofte weten, woet darumme sy. Item schelt my 128 marc, dar hebbe gy tegen 122 cronen, dar mede sal dey rekenscop dar slecht syn.

Item ic meyne gy untfangen ok eyns gelt manck Hans van Mynden gelde, dat my propper angenc, dat sette ic to ju ward wat daran sy, by mynen besten, dyt schelt my hyr ane. Men Hans van Mynden hevet van myner wegen in juwe rekenscop bracht van Salmesteyn 216 marc, dey sy ic ju mer schuldych, dey solde Hans van Mynden my toscreven hebben. Leyve broder nemet nicht vor ovel, ic begere eynen gantsen eynde und maket al dync slecht.

Item ic sende ju in scheper Doenewolt 15 schyven Lemborgesch was,

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 8. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_079.jpg&oldid=- (Version vom 31.7.2018)