dan gude Ausborger vardele. Gy screven lest eyn del darvan hyrover, men nicht eyncket, woe vele dat schelde, ic kome dar nicht wol mede to, hedde Slyper ju myn sardoke sand, dat hedde reyde gelt ghewesen, doe sey ju eyrst nemen und dey sardoke slogen na der tyt af und gy moten my darane besorgen dat my vul schey. Also gy lest screven hadden, so duochte my dat my vele to kord schege. Scyvet Slyper und my al beschet met den eyrsten darvan.
Item Slypper sendet ju was, dat hord my half, dat vorkopet met den eyrsten dat gy kunnen, des sal van hyr mer darward komen, darumme ramet des besten darby also best kunnen; dat was sal by 800 gulden werd syn Rynsch.
Item leyve broder ic sy in der mysse schuldych 1100 gulden, des hebbe gy 80 ℔ gr. untfangen und nu sal ju an wasse komen to mynen dele by 400 gulden. Dyt hebbe ic by ju tegen desse schult vorscreven. Ic bydde ju, dat gy al dync also bestellen, dat my in dey mysse eyn del geldes werde 500 ofte 600 gulden, dat ander wel ic ut der mysse wol op ju overkopen, wand ic wel my, ef Got wel, alle schult quyt maken und wel ut dessen schaden, ef Got wel, wesen. Ic sal an dessen 1100 gulden mer dan 70 gulden schaden daen hebben, ic welt, ef Got wel, nicht mer doen, sey handelen my to Lubeke ovele met vele saken, den ic al gud doen hebbe, doen my weder also; sey wellen ic tachter gaen eyn grot gud in 3 jarn, Got betert al umme. Ic moet myn dync anders ansetten tegen dat jar, sal ic bestaende blyven. Item weset Dyryc Polk und Cryspyn vruntlyk, wand sey doen my vele guodes und ok Lyseken, dey solen ju ok eyn del van Kolschen sede wol seggen und underwysen.
Item ic wet nicht oftet nutte sy, dat dey Venedysche selscap noch 1 jar sunder rekenscap stae ofte dar men nu rekenscap holde na paschen. Scryvet ju gudduncken al umme ut in sulven und ramet des besten. Grotet myn suster und al vrunt. Ghescreven op sunte Antonius avent 1411 jar.
Segget Tydeken Swartten, dat ic den stor wol untfangen und dancke emen und synen broder und Hoensteyne.
Item sendet in Eyngeland umme dat payment, dar solde grot profyt an vallen, wan men dar eyrst an queme. Item Lubeke moet overgeven syn, est dat et dar nicht anders werd.
51. Sivert Veckinhusen in Köln an Hildebrand Veckinhusen in Brügge, s. a. – 1411 Jan. 26.
- Rev. St.-A. Orig. Adr.: Dem erbarn manne Hyldebrand Veckynchuosen to Brugge littera detur. Der Anfang des Blattes macht den Eindruck, als ob der eigentliche Beginn des Briefes verloren gegangen ist. Das Jahr nach dem Briefe Nr. 52 bestimmt.
Item leyve broder sendet ummer in Eyngeland an dey Bergervar umme dat payment, welle gy dar umme arbeyden laten, so moge gy vele
Briefwechsel Hildebrand Veckinchusen, Seite 65. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_065.jpg&oldid=- (Version vom 31.7.2018)
