Wikisource

Seite:Briefwechsel Hildebrand Veckinchusen 060.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

des mer wachten, mochtet na mynen wyllen gaen. Scryvet to Lyflande und to Lubeke ward al juwen wyllen und al tydynge und gudduncken.

Item umme unse vedderken Ryxzen, ic wel to Lubeke ward myn gudduncken darop scryven und welt bestellen redelyke nottroft sal er op dat eyrste werden; hyrnest moge wy dencken wo et best werden wel, wan wy, ef Got wel, by eyn komen. Ic hope, er sole wol nottroft van deme hove werden, sey hevet my alreyde vele kostet unvorweten sy dat Gode, were ic to Lubeke bleven, so solde sey nicht clagen hebben dorven, hedde ic tydynge van Lubeke, darna wolde ic doen met der borgerscap hyr to wynnen. My vorlanget sere na tydynge van Lubeke. Got geve gude tydynge van al umme. Grotet myn suster und alle vrunt vruntlyken und beydet over my. Ghescreven op sunte Katerynen avent 1410 jar.

Zyverd Vockynchusen, Kolnne.


46. Sivert Veckinhusen in Köln an Hildebrand Veckynchusen to Brugge. – 1410 Dezbr. 2.

Rev. St.-A. Orig. Adr.: An Hyldebrand Veckynchusen to Brugge littera detur. Dazu von Hild. Veck.’s Hand: 1410, 22 in desember 140 ℔ gr.

Broderlyke leyve vorscreven, wetet dat wy hyr opnomen hebben van Peter Strynmaker also vele geldes, dat gy eme ofte synen vrunden geven solen 140 ℔ gr. aldes geldes, dat men heyt butdragers. Dyt gelt moste wy hyr hebben und hebben dat also hoge vorborget dat moet to dancke betalt syn, alsolde 1 ₰ twe kosten. Darumme satet ju op gelt al, wat dat kostet, dar leget macht ane. Beydet over my. Ghescreven 8 dage na sunte Katerynen dage 1410 jar.

Zyverd Veckynchusen, Kolne.


47. Gert Elrik bekennt von Hildebrand Veckinhusen eine Summe Geldes erhalten zu haben für einen Schiffsanteil. – 1410 Dezbr. 16.

Rev. St.-A. Orig. Papierurk. mit darauf gedrucktem Signet.

Ik Gert Elrik[1] kenne dat ik untfangen hebbe van Hildbrant Wekkinchusen 10 ℔ groten 3 groten unde also van her Albert Stockmans wegen up dat sesten del schepes van Wuettes(!) holke van den Englisschen paimente. Hirvan love ik Hilbrande schadelos to holden vor alle namanynge desser vorgescrevenen summe geldes van her Albert Stokmans wegen. In kennyss der warheit hebbe ik Gert Elrik myn singenet umme up dess spasigum ghedruekket. Ghedan int jar 1410 des dinstdages na sunte Luessigen.

  1. ↑ Hansen: a. a. O. II S. 209 Nr. 120 liest Olink.
Empfohlene Zitierweise:
Briefwechsel Hildebrand Veckinchusen, Seite 60. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_060.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_060.jpg&oldid=3224415“