und dey 30 ℔ gr. quemen my al nicht to und hebben dar neyn doen mede. Lyseke seget my, sey hebbe dey van juower wegen betalt und utgeven und ic meyne sey komen in unse selscap, eft des nicht, so scryvet Johannes van Mynden wo et darumme sy, dat hey ju dat scryve. Anders nicht men sendet my dat ½ arckes poppyrs weder, dar dey rekenscap an steyt und scryvet my ju ghebrek darvan und scryvet my wat gy vornemen van Albracht van Borcken und van allen andern dingen und ramet des besten alle wege.
Item kunde gy my 1 gud rot laken kopen van 5 ℔ gr. efte dar by, Mechelsch efte Kortrykesch efte eyn ander laken suverlyke varwe, dat sendet my, wand ic moet dat hyr vorgeven Slypers wyve und syner suster und Slyper. Kunne gy ok an dat laken nicht komen, so moste gy my werk senden op 3 ℔g r ofte op 3½ ℔ gr. Wan gy dar laken kunden krygen und leyten dat crymppen und scheren und dor eyn teyn, dat ek eyn weynych darna roke, dat hedde ic leyvest. Hyrvan scryvet my met den eyrsten eyn antworde und gudduncken. Item verkopet dey lasten also gy eyrst kunnen und beydet over my. Ghescreven des eyrsten dages na sunte Peters dage a vyncla 1410 jar eyn antworde van allen saken.
35. Rechenschaftsablegung des Hans von Mynden. – 1410 Aug. 13.
- Rev. St.-A. Orig. Das Papier stellenweise arg zerfetzt, so daß nicht Alles mehr lesbar. Auf der Rückseite 2 Adressen, die letztere von der Hand Sivert’s Veckinchusen. 1) An Syvert Veckinchusen to Colnne lyttera detur
2) Hyldebrand Veckynchusen to Brugge littera detur.
Vruntliken grot tovoren Hildebrant leve vrunt, dyt is juwe rekenscop unde do myne in dem jar unsses heren 1410 jar, do bleve gy my 44 marc 12 sl. Item do was ik ju wedder 275 marc van her Scryvers wegen afsclagen de 44 marc 12 sl., zo blef ik ju schuldich 230 marc Lub 4 sl. Item so bin ik ju schuldich 244 marc 10 sl. 2 ₰. van de sum gelde. Item so bin ik ju van enen terlink wandes 205 marc. Item so bin ik ju van Bodem van Stocken 264 marc Lub. hir hadde ik my eme vorscreven, summa 943 marc 14 sl. 2 ₰, dat ik ju blyve.
Item so hebbe ik betalt Johan Bindewile 28 ℔ gr. summa 179 (marc) 12 sl.; item betalt Bramsteden 25 ℔, summa 159 marc 6 sl. Item so hebbe ik betalt Gerd Salmensten 216 marc Lub. vor de Rynsgulden, de Syvert juwe broder up my kofte in der hervest mysse, do scref he my, hadde ik nen gelt by my van syner wegen, zo solde ik et van den juwen nemen. Item so sy gy my schuldich 60 ℔ gr., de ik hir gaf ut de malen to gelde, dat punt vor 6½ marc minus 8 ₰, summa –– 390 marc 2 (!) 10 sl. summa 944 marc 6 sl. aldus blive gy unde 2 … 10 sl. Lub.
Item leve vrunt alzo gy scryven van de 80 ℔ gr., de solle gy afsclan wedder de 600 Rynsgulden, wente ik hebbet in myne rekenschop nicht nomen
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 45. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_045.jpg&oldid=- (Version vom 31.7.2018)
