Seite:Briefwechsel Hildebrand Veckinchusen 032.jpg

	Briefwechsel Hildebrand Veckinchusen

sende ich ju bi Hanse van der Marke 16 nobele und 8 cronen und 4 Ghelresche gulden, summa an gelde dat ik ju ghesant hebbe 83 marc und 1 sl. Item so sande ik ju ok in deme sommere 2 bodeme wasses dat horde Wilhelm Dalhusen und Zyverde. Item hebbe ik ghegeven Hanse van Mynden 36 marc und 10 sl., vor de 18 marc Prusch und 8 schot. Item hebbe ik in de Venediessche selscap ghegeven 677 marc van juwer weghen. Item de 30 ℔ gr. in Prusen to betalen, item so solde ju geven Andreas Zyrenberch 8 ℔ gr. summa darvan 50 marc Lub. Item so hebbe ik de 30 ℔ siden wol untfangen ut Johan van Staden und dat want is noch to Hamborch. Item so sal ju Zyverd schicken payment van Kolne vor 80 Rynsche gulden. Item wes gi te achter sin van unser wegen, dat dot wol und kopet dat hir over up Johannes van Minden, de heft my ghelovet, dat he dat to dancke wol betalen wil. Item so wer et, dat my Zyverd ghescreven heft, dat ik to eme comen sal to Kolne und Hans van Mynden, de blyft allike wol in unseme hus und ik meine van hir to teyende 8 daghe vor wynnachten.^[1] Item so wetet, dat Ziverd heft sine borghersscop hir laten upsegghen, beide vor deme nyen rade unde ok vor deme olden rade. Hirumme so love ich wol, dat ju Ziverd wol sulven ghescreven hevet, wo gi syn dinge dar holden solen. Anders en wet ik ju nicht to schryven men ik wil gherne des besten ramen by allen dingen. Hir mede so varet wol to Gode und grotet myn suster Greteken zere. Ghescreven des dynxdages vor sunte Nicolauwes daghe 1409 jare.

By my Lyseken Vickynkhusen to Lubeke.

24. Sivert Veckinhusen in Frankfurt an Hildebrand Veckinhusen in Brügge. – 1410 März 20.

Rev St.-A. Adr.: Hyldebrand Veckynchusen Brugge littera detur. Darunter von H. V.’s Hand 400 Rynsche gulden Johan Pot.

Broderlyke leyve vorscreven. Wetet dat ic hyr nomen hebbe van Johan Pot 400 Rynsche gulden, darvor gevet Everd van Megen to dancke und vertogert en nicht, vor elk gulden 33 grote, wand hey my dyt gelt ghedaen hevet in myner not, wand ic kunde hyr neyn gelt anders opnemen. Grotet alle vrunt. Balke sal my hyr ok 500 gulden geven van Ro^eden wegen, dey hey dar van eme opnomen hadde. Nemet ummer dey 4000 gulden myn 500, dey Balke utgeven sal, ic sande ju dey breyve lest, schelde daricht ane, dat scryvet hyr sunder su^omen. Ghescreven des guden donredages vor paschen 1410 jar.

Zyverd Vockynchusen, Vrancvord.

25. Sivert Vockinhusen aus Köln an Hildebrand Veckinchusen in Brügge. – 1410 April 2.

Rev. St.-A. Orig. Adr.: An Hyldebrand Veckynchusen Brugge littera detur.

1. 18. Dezbr.

Empfohlene Zitierweise:
Briefwechsel Hildebrand Veckinchusen, Seite 32. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_032.jpg&oldid=- (Version vom 31.7.2018)