na deser selscop heyten de Vitzis van Florense, hedde de er selscop to Bruggen, dat wer et best an en vorwisset, de hebben dues lange unse wessel betalt to Rome unde de sin best unse gadinghe unde wy hopen under uns dreen by ju to Andorpe to sin unde dar alle dink overspreken. Unde elk denke harde wol, wat unser selscop beste sin welle unde dat wy dese selscop met ernste angrippen unde hantteren, alse uns dunket dat uns noet si. Anders nicht, mer scrivet her unde to Lubeke al juwen willen unde gutdunken van desen breve suender suemen, of ju icht an desen saken schelle. Got si met ju. Ghescreven op den ersten suendach na paschen 1409 jar.
Item wel Slyper syn grot arbeyt nicht umme nicht daen hebben, dat hey umme unser selscop wyllen aldus lange daen hevet unde ok wel hey vordan nicht arbeyden umme nicht. Hey meynet vordel tovorn ut to hebben. Wy wellen met eme eynes werden, op dat wy kunnen van deme, dat aldus lange wesen es, men wey vordan vele arbeydes hevet, dey wel ok vele vordels hebben, dat moet hyrnest overdacht syn.
20. Sivert Veckinchusen in Köln an Hildebrand Veckinchusen und Heinrich op dem Orde. – 1409 April 21.
- Rev. St.-A. Orig. Adr.: An Hyldebrand Veckynchusen unde Hynric op Orde littera detur. In dorso von der Hand des Hildebrand Veckinchusen: Dyt hort in dey Venedyssche sellschap.
Untfangen to Venedyen an werke:
Item erste vorkoff Franssysco Mady 10 000 schons werx to 80 duchaten, summa 800 ducaten.
Item noch eme 3000 schonde werx to 72 ducaten, summa 216 ducaten.
Item noch 2000 schons werx vor 140 ducaten.
Item noch 2000 schon werck vor 140 ducaten.
Item noch 1000 unde 433 vel, dat dusent 70 ducaten, summa summarum 100 ducaten 9 (grote?) unde 3 berner.
Item noch 2000 werx vor 140 ducaten.
Item summa van allen 20 000 unde 400 unde 33 vellen to gelde net 1800 unde 80 ducaten.
Item Marco Rodolvo 3000 werx to 75 ducaten, summa 225 ducaten. Summa net, ungelt afslagen 200 unde 26 ducaten unde 6 grote.
Item Alberto dem golslegher 4000 werx to 73½ ducaten, summa net 294 ducaten.
Summa netto reyne 296 ducaten unde 6 grote 29 berner.
Item Nyclay dey Monte 1½ schons werx to 71 ducaten unde 12 grote summa reyne 100 ducaten unde 8 ducaten 1 grote 9 berner.
Briefwechsel Hildebrand Veckinchusen, Seite 25. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_025.jpg&oldid=- (Version vom 31.7.2018)
