Seite:Briefwechsel Hildebrand Veckinchusen 015.jpg

	Briefwechsel Hildebrand Veckinchusen

Item gecoft myd dessen gelde 12 Tomasche, elk 1 ferd. und 9 marc, summa 111 marc; item noch gecoft 8 Tomasche laken^a), elk 9 marc und 15 ore, summa 74 marc und ½ marc, summa in al van dessen laken 185 marc und ½ marc. Item desse laken upthovoren 3 grote ferd., summa an gelde 2 marc 3 ore, summa dat desse laken staen myd ungelde 187 marc 27 ore, aldus up dey tyt mer utghegeven daen up dey tyt ontfaen 7 marc 3 ore 1 art. Item vorcoft desse laken tho Ploskau^b), elk 3½ stucke, summa 70 stucke. Item wart hyr was angenomen to Ryghe^c) tho leveren dat scyppunt vor 7½ stucke, summa an wasse 9 scyppunt 6 lispunt 12½ marcpunt und 1 dorden del van enene marcpunt.

Item gesand up dat vorscreven gelt int jar 1406 jar am daghe na Phylyppy Jacopy^[1] by scepper Stekemes 15 stucke wasses, dey wegen hyr 9 scyppunt und 3 lyspunt. Aldus bleve ich hyr noch tho schuldich 3 lyspunt 14 marcpunt und 1 dordendiel van eneme marcpunt, summa an gelde 3½ marc 9 ore, dyt afgeslagen, so blivet my unze zelschap 3 marc 18 ore 1 art.

Item ontfaen 1 vat, dar was inne 30 lyspunt und 4 marc ℔ messinges. Hyrvor betalt vracht ungelt upthoschepen 17 ore. Item gesant dyt vat und 40 Kyrsche^d) the Darbte, dyt selve vat und 40 Kyrsche tho Ryghe veder gevort, summa van ungelde 9 ferd. und 4 ore. Item vorcoft 40 Kursche, elk 5 or myn daen 1 marc, summa 35 marc 3 ferd. und 4 ore. Item voch dey messing hyr 22 lyspunt. Item vorcoft elk lyspunt 22 ore, summa 10 marc 9 ore und 5 ₰; desse messing stunt tho Lubeke 22 marc Lub., summa van Kyrsche und van messinge 46 marc 16 ₰ 14 ₰^[2], afgeslagen dyt vorscreven ungelt, summa net 43 marc 16 ore und 5 Lub. Item Sivert dedes tu mester Kerstian 34 marc 14 sl. Lub.; ontfaen hyrvor 18 nobele^e), dey nobele gerekent 5 ferd. und 5 ore, summa 24 marc 18 ore. Item Sivert so santhu du my 4 Kurze, elk coste 2 marc, summa 8 marc Lub. Item vorcoft 4 Kurze, elk 3 ore myn 6 ferd. summa 6 marc myn 1 ferd. Item wederlegestu Hans vanme Hamme up 4 marc 3 sl. Lub. Item hevestu ghegeven her Nyclaus Croppelin van mester Kerstians vegen 7 marc Lub. Hyrvor hebbe ich hyr ontfaen 4½ marc Ryg. und 8 ore; summa in al, dat ich ontfaen hebbe, up 200 nobel, dey wy in zelschap legeden^f), 300 marc 87 marc 6 sl. 8 ₰ Lub. Item Sivert so heves du gerekent dat vor 200 nobelen, komt 387 marc 14 sl. 8 ₰, afgheslagen, dat ich ontfaen hebbe, so blives du noch unzer zelschap 8 sl. Lub. Item so screves du my Sivert, dat my Roland Plagel solde geben 4½ Eng. nobele, hey zeget, hey en weyt dar nicht af, dar mottu en umme manen. Aldus blive ich unzer zelschap, dat ich mer ontfaen hebbe daen van my gesant 78 marc 6 ore 5 Lub. Item blef my unze zelscap hyrthovoren 3 marc 18 ore 1 art., summa net, dat ich schuldych blive 74 marc 3 ferd. und 5 Lub. Item Sivert so screvestu my, dat dey 15 stucke vasses wogen tho Lubeke, dey

---

1. 2. Mai.
2. Der Schreiber hat versehentlich zwei Mal „Pfennige“ (₰) geschrieben; welche Münze gemeint ist, läßt sich jedoch nicht bestimmen, da die Summe überhaupt falsch berechnet ist.

Sprach- und Sachkommentar

1. ↑ Tomasche laken – Nach der französischen Stadt St. Omer benannte Tuchsorte.
2. ↑ Ploskau – Pleskau, heute Pskow.
3. ↑ Ryghe – Riga.
4. ↑ Kyrsche (auch Kursche) – Tuchsorte, deren Herkunftsbezeichnung nicht eindeutig zu klären ist.
5. ↑ nobele – Nobel, eine im Jahr 1344 erstmalig geprägte mittelalterliche englische Goldmünze, die sich bis Ende des 14. Jahrhunderts als Leitmünze im Nord- und Ostseehandel durchgesetzt hatte.
6. ↑ 200 nobel, dey wy in zelschap legeden – Das Startkapital der Handelsgesellschaft in Höhe von 200 englischen Nobeln. In lübischem Geld 387 Mark 14 Schillinge und 8 Pfennige (1 engl. Nobel : 1 m. 15 ß lüb.).

Empfohlene Zitierweise:
Briefwechsel Hildebrand Veckinchusen, Seite 15. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_015.jpg&oldid=- (Version vom 31.7.2018)