Seite:Briefe an Matthias Mulich.pdf/43

	Carl Friedrich Wehrmann (Hrsg.): Briefe an Matthias Mulich, geschrieben im Jahre 1523. In: ZVLGA 2, 1867, S. 296–347

gewarneth worden, dat yck jw scryven schall, dat gy jw vorsen^[1] myt hertych Albert van Mekelenborch, gy em nycht lenen, den he betalle nycht wol; dar wet jw noch to rychten. Dar myt velle guder nacht. Datum myth hast to Lubeke des sondages noch Vallentyny im 1523 jar.

Mathias Scharpenberch. 
j. w. dener. 

No. 23. Von Hans Castorp.

1523, Febr. 22.

Mynen wylghen denst nu vnde to allen tyden. Ersame leve swager, ich wet juwer leve nycht sunderges to scriffen, dan juwen breff in Norenberch gescrefen den lesten dach in Januarii hebbe ich in Lubeke wol entfangen vp sunte Falentyns dach.^[2] Als gi den scryfen van dem kopper, men^[3] es mer hyr kumpt fan Oldeslo, den sal her Kerchrynck vort^[4] entfangen; wer es men mer^[5] geslagen, he entfynget gern; vnde de datem, als he den anderen entfangen hefft, hebbe ich klar angetekent; men et got gifft, dat et to freden kumpt, so sal et en gud handel werden. Ich wyl al den genen gude nacht seggen,^[6] dar gy my fan screffen hebben. Ich sande juw nu breffe, dede^[7] my her Wulf Vttenhofer, kenseler van Holsten, vnde sent juw och desse bybunden breffe vnde but juw dusent gude nacht; he hadde hyr en kysste vnde en fetkyn^[8] in juwen hus stan, dat nam he nu mede na dem Kyl, ich fryggede et em vt^[9] fan dem rade, och was he myt my in juwen hus vnde sprach Katrynen to, et is en fram man, och laffede^[10] he Katrynen vnde my, he wolde et maken, so fro he tom Kyl cweme,^[11] wolde he et forfogen, dat et gelt vt^[12] solde kamen, dat gy fam hertygen solt hebben; went syn junge cwam hyr nu, do bofal he my, als he fan hyr

---

1. vorsehen.
2. den 14. Februar.
3. wenn.
4. sogleich.
5. wäre nur mehr geschlagen.
6. ich will Alle grüßen, von denen Ihr mir geschrieben habt.
7. die gab mir; dede eig. that.
8. Fäßchen.
9. ich machte es ihm frei, d. h. ich verschaffte ihm von dem Rathe die Erlaubniß, es auszuführen.
10. versprach.
11. so bald er nach Kiel käme, wollte er verfügen.
12. daß das Geld herauskommen sollte.

Empfohlene Zitierweise:
Carl Friedrich Wehrmann (Hrsg.): Briefe an Matthias Mulich, geschrieben im Jahre 1523. In: ZVLGA 2, 1867, S. 296–347. Friedrich Asschenfeldt, Lübeck 1867, Seite 338. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefe_an_Matthias_Mulich.pdf/43&oldid=- (Version vom 31.7.2018)